అరటిపండ్లును ఇలా కూడా పండుగా మార్చుకోవచ్చు

అరటికాయలు, అరటి పండ్లు రెండూ కూడా ఆరోగ్యానికి మేలు చేసేవే. అరటిపండ్లు అందరికీ అందుబాటులో ఉండేవే. కొన్నిసార్లు మనం అరటికాయల్ని ఇంట్లోనే పండించుకోవాల్సి వస్తుంది. బయట కెమికల్స్ వేసి పండించే పండ్ల కంటే మనం ఇంట్లోనే నేచురల్‌గా పండ్లని పండించుకోవచ్చు. కెమికల్స్ వేసిన పండ్లు ఆరోగ్యానికి అస్సలు మంచివి కాదు. వీటి వల్ల ఆరోగ్యం పాడవుతుంది. అలా కాకుండా మనం ఇంట్లోనే పండించిన పండ్లని తినడం వల్ల మంచి లాభాలు ఉన్నాయి. అసలు అరటికాయల్ని ఇంట్లోనే నేచురల్‌గా ఎలా పండించుకోవాలో తెలుసుకోండి.

అరటిపండ్లు ఆరోగ్యానికి మేలు చేస్తాయి. శరీరానికి మేలు చేసే ఎన్నో పోషకాలు అరటిపండ్లలో ఉంటాయి. వీటిని స్నాక్‌గా, మెయిన్‌ఫుడ్‌గా, ఉపవాసం ఉన్నప్పుడు, ఎండాకాలం, వానాకాలం ఇలా ఏ కాలమైనా, ఎప్పుడైనా ఈ పండ్లని తింటారు. మన అవసరాలకి తగ్గట్లుగానే ఏ సీజన్‌లో అయినా ఎప్పుడైనా అరటిపండ్లు పండుతాయి. వీటిని తినడం వల్ల కలిగే లాభాలు అన్నీ ఇన్నీ కావు. అయితే, బయట దొరికే పండ్లు నేచురల్‌గానే ఇంట్లోనే పండించొచ్చు. అరటికాయల్ని పక్వానికి చాలా సమయం పడుతుంది. అయితే కొన్ని టిప్స్‌తో ఎలాంటి కెమికల్స్ లేకుండా ఇంట్లోనే నేచురల్‌గా పండించొచ్చు. అరటిపండ్ల తీపిని ఇవి చెక్కుచెదరకుండా ఉంటాయి. ఇవి ఎలాంటి కెమికల్స్ లేని పండ్లు కాబట్టి, ఆరోగ్యానికి కూడా మంచివి.

కాగితంతో చుట్టడం

ఏవైనా సరే కాయల్ని పండ్లలా మార్చాలంటే వాటిని ఓ పేపర్‌లో చుట్టాలి. న్యూస్‌పేపర్‌ లేదా, పేపర్ బ్యాగ్స్‌లో అరటికాయల్ని ఉంచండి. దీంతో అరటిపండు కాండం నుంచి ఇథిలీన్ వాయువు విడుదలవుతుంది. ఇది కాయల్ని పండ్లలా మారుస్తుంది. పేపర్ బ్యాగ్, వార్తాపత్రికలో చుట్టడం వల్ల స్పీడ్‌గా పండ్లలా మారడానికి హెల్ప్ అవుతుంది.

బియ్యంలో ఉంచడం

ఇదో మరో మంచి నేచురల్ పద్ధతి. అరటికాయల్ని మీరు బియ్యం డబ్బాలో ఉంచండి. వాటిని అలా ఉంచడం వల్ల కొన్ని రోజుల్లోనే పండ్లలా మారతాయి. దీంతో నేచురల్‌గా పండ్లు పండడమే కాకుండా వాటి రుచి కూడా చక్కగా ఉంటాయి. అయితే, ఎప్పటికప్పుడు వాటిని గమనిస్తూనే ఉండాలి. ఎక్కువగా పండిపోతే బియ్యం మొత్తం మళ్ళీ స్మెల్ వచ్చే అవకాశం ఉంటుంది.

ఆపిల్స్‌తో ఉంచడం

ఇంట్లోనే కెమికల్స్ లేకుండా పండ్లని పండించేందుకు వాటిని మీరు వాల్‌నట్స్, ఆపిల్స్‌తో ఉంచాలి. ఈ రెండూ కూడా ఇథిలీన్‌ని రిలీజ్ చేస్తాయి. దీని వల్ల పండ్లు చక్కగా పండుతాయి. మీకు త్వరగా పండ్లు పండాలంటే పేపర్‌బ్యాగ్‌లో అరటికాయలు, ఆపిల్స్, వాల్‌నట్స్ కలిపి ఉంచండి. మరుసటి రోజుకల్లా త్వరగా పండిపోతాయి.

ఓవెన్‌లో ఉంచడం

అరటిపండ్లు పక్వానికి వచ్చేది రూమ్ టెంపరేచర్‌పై ఆధారపడి ఉంటుంది. రూమ్ టెంపరేచర్ చల్లగా ఉంటే త్వరగా పండవు. అందుకే, వర్షాకాలం, చలికాలంలో త్వరగా పండవు. అలాంటప్పుడు మనం పండ్లని కొద్దిసేపు ఓవెన్‌లో ఉంచి ఆన్ చేయండి. కొన్ని నిమిషాల పాటు ఉంచండి. అయితే, ఇది కాస్తా రుచిలో తేడాగా ఉంటుంది. వీటితో మరో ఫుడ్ తయారు చేయడానికి వాడొచ్చు. తినడానికి అంతలా బాగోదు.

అర్జెంట్ కాదనుకుంటే

అరటిపండ్లని అర్జెంట్‌గా పండించేలా కాకుండా నార్మల్‌గా పండాలంటే వాటిని ఇంట్లోనే బయట అలా ఉంచండి. 2, 3 రోజులకి అవే నేచురల్‌గా పండుతాయి. వీటి రుచి మహా గొప్పగా ఉంటుంది. కెమికల్స్ వేసి పండించిన పండ్లకంటే ఇవి చాలా రుచిగా ఉంటాయి. కెమికల్స్ వేసి పండించిన పండ్ల కంటే ఇలా నేచురల్‌గా పండినవి చాలా రుచిగా ఉంటాయి.