ఎండల్లో తిరగడం వల్ల స్కిన్ నల్లగా మారిందా

బయట ఎక్కువసేపు తిరగడం వల్ల స్కిన్‌పై టాన్ పేరుకుపోతుంది. సూర్యుడి నుంచి వచ్చే కిరణాల కారణంగా చర్మం పాలిపోతుంది. నల్లగా మారుతుంది. అలాంటి సమస్యతో మీరు కూడా బాధపడుతుంటే కొన్ని ఇంటి చిట్కాలు సమస్యని దూరం చేస్తాయి. నిమ్మ, తేనె, పెరుగు, అలోవెరా వంటి పదార్థాల్లోని గుణాలు ఆటోమేటిగ్గా చర్మంపై పేరుకుపోయిన దుమ్ము, ధూళి, ట్యాన్‌ని దూరం చేస్తాయి. బయట దొరికే కాస్ట్లీ క్రీమ్స్, లోషన్స్, ట్రీట్‌మెంట్స్ కంటే ఇవి మెరుగ్గా పనిచేస్తాయి. వీటితో ఇంట్లోనే మాస్క్‌లు తయారుచేసి వాడొచ్చు. గ్లోయింగ్ స్కిన్ కోసం మీరు ఇంటి చిట్కాలని వాడొచ్చు. ఖరీదైన బ్యూటీ ప్రోడక్ట్స్ కంటే ఇవి చాలా మంచి రిజల్ట్స్‌ని ఇస్తాయి. పార్లర్‌కి ప్రతీసారి వెళ్లడం వీలు కాని వారు ఈ టిప్స్‌ని ఫాలో అయి ఇంట్లోనే సహజ మెరుపుని పొందొచ్చు. ఇది కేవలం బయట తిరగడం వల్ల వచ్చే ట్యాన్‌ని దూరం చేయడమే కాకుండా గ్యాడ్జెట్స్ వాడడం వల్ల వచ్చే రేడియేషన్‌ని కూడా తగ్గిస్తుంది.

నిమ్మ, తేనె

ఈ రెండు కూడా మనకి ఇంట్లోనే అందుబాటులో ఉండే పదార్థాలు. వీటిని వాడడం వల్ల స్కిన్ ట్యాన్ చాలా వరకూ తగ్గుతుంది. దీనికోసం ఓ టీస్పూన్ తాజా నిమ్మరసంలో, మరో టీస్పూన్ తేనెని కలపండి. తేనె స్వచ్ఛమైనది తీసుకోండి. ఈ రెండింటిని బాగా కలపండి. దీనిని ముఖం, స్కిన్‌పై ఎక్కడ ట్యాన్ పేరుకుపోయిందో అక్కడ రాయండి. అలానే 15 నిమిషాల పాటు ఉంచి తర్వాత గోరువెచ్చని నీటితో క్లీన్ చేయండి. నిమ్మకాయలోని సహజ బ్లీచింగ్ గుణాలు ఉన్నాయి. ఇవి ట్యాన్‌ని తగ్గిస్తాయి. తేనె చర్మాన్ని సాఫ్ట్ అండ్ హైడ్రేట్‌గా చేస్తుంది. చర్మాన్ని నేచురల్‌గానే అందంగా మారుస్తుంది.

ఓట్స్ పెరుగు

ఓట్స్‌ స్కిన్‌ని పాలిషింగ్ చేస్తాయి. దీనిని స్కిన్‌‌పై వాడడం వల్ల స్కిన్ బ్రైట్‌గా, తాజాగా మారుతుంది. ​

దీనికోసం

2 టీస్పూన్ల ఓట్స్‌లో 1 టీ స్పూన్ పెరుగు వేయండి.

ఓట్స్‌ని కొద్దిగా నలపండి. తర్వాత పెరుగు వేయండి. కాసేపు అలానే ఉంచండి. దీంతో ఓట్స్ మెత్తబడతాయి. దాన్నంతట్ని చేతులతోనే మెత్తగా మెదిపి స్కిన్‌కి రాయండి.

అలానే ఉంచి 20 నిమిషాల తర్వాత గుండ్రంగా మసాజ్ చేయండి.

తర్వాత నీటితో క్లీన్ చేసుకోండి.

దీని వల్ల చనిపోయిన చర్మ కణాలు తొలగి స్కిన్ హైడ్రేట్‌గా అందంగా మారుతుంది.

గంధం రోజ్‌వాటర్

గంధం చర్మాన్ని చల్లగా చేస్తుంది. దీనిలోని గుణాలు చర్మంపై పేరుకుపోయిన ట్యాన్, దుమ్ము, ధూళిని తగ్గించి స్కిన్‌ని మెరిసేలా చేస్తుంది. ఇక దీనిలో రోజ్ వాటర్ కలిపితే స్కిన్ సాఫ్ట్‌గా మారుతుంది. ​

దీని కోసంఅసలైన గంధం పొడిని 1 టీస్పూన్ పరిమాణంలో తీసుకోవాలి. దీనికి అంతే పరిమాణంలో రోజ్ వాటర్ కలపండి. ఈ రెండింటిని కలిపి పేస్టులా చేయండి. ఈ పేస్టుని ముఖం, మెడ, చర్మానికి రాయండి. 15 నిమిషాల పాటు అలానే ఉంచండి. తర్వాత నీటితో క్లీన్ చేసుకోండి. దీనిని రాయడం చర్మం రిలాక్స్ అవుతుంది. దద్దర్లు తగ్గుతాయి. రోజ్ వాటర్ చర్మ టోన్‌ని బ్రైట్‌గా మారుస్తుంది.

అలోవెరా జెల్, నిమ్మరసంతో

తాజా అలోవెరా జెల్‌లో కొన్ని చుక్కల నిమ్మరసాన్ని కలపండి. దీనిని బాగా కలపండి. దీనిని ట్యాన్‌పై రాయండి. 15 నిమిషాల పాటు అలానే ఉంచండి. అలోవెరా నేచురల్‌గానే ఎండ నుంచి స్కిన్‌ని కాపాడుతుంది. స్కిన్‌పై ఉండే ఎరుపు, నల్లని మచ్చల్ని తగ్గిస్తాయి. ఇక నిమ్మలోని బ్లీచింగ్ గుణాలు చర్మపై పేరుకుపోయిన ట్యాన్‌ని తగ్గించి సహజంగానే చర్మ రంగుని చక్కగా కనిపించేలా చేస్తాయి.

పసుపు, పెరుగుతో

రెండు టేబుల్ స్పూన్ల సాదా పెరుగులో చిటికెడు పసుపు కలపండి. దీనిని పల్చగా మీ ముఖంపై మెడ, మీ స్కిన్‌పై నలుపు ఎక్కడ ఉంటే అక్కడ రాయండి. దీని మెల్లిగా రాయండి. 20 నిమిషాల పాటు అలానే ఉంచండి. తర్వాత క్లీన్ చేయండి. పెరుగులోని లాక్టిక్ యాసిడ్ స్కిన్‌ని సాఫ్ట్‌గా ఎక్స్‌ఫోలియేట్ చేస్తుంది. పసుపులోని గుణాలు పిగ్మంటేషన్, నలుపు దనాన్ని, నల్లని మచ్చల్ని తగ్గిస్తాయి. దీని వల్ల స్కిన్‌పై ఇన్‌స్టంట్ మెరుపు వస్తుంది.

దోసకాయ, అలోవెరా

ఇన్‌స్టంట్ గ్లోయింగ్‌ కోసం ఇది అద్భుతంగా పనిచేస్తుంది. 2 టీస్పూన్ల దోసకాయ తురుములో 1 టీస్పూన్ కలబంద జెల్ వేయండి. ఈ రెండింటిని బాగా కలపండి.

ముఖానికి అప్లై చేసి 20 నిమిషాల తర్వాత చల్లని నీటితో క్లీన్ చేయండి. బెనిఫిట్స్దోసకాయ చర్మాన్ని చల్లబరుస్తుంది. దీని వల్ల చర్మంపై మంట, దురద తగ్గుతుంది. కలబంద జెల్ చర్మాన్ని సాఫ్ట్‌గా చేసి హైడ్రేట్ చేస్తుంది. సహజంగానే స్కిన్ మెరుస్తుంది.