ఈ ఫుడ్స్ తింటే బెల్లీ ఫ్యాట్ కూడా కరిగిపోతుంది

కార్బోహైడ్రేట్స్ అనగానే వాటి వల్ల బరువు పెరుగుతారు. ఆరోగ్యానికి మంచిది కాదని భయపడతారు. కానీ, అన్నీ కార్బోహైడ్రేట్స్ అలా కాదు. కొన్ని హెల్దీ కార్బోహైడ్రేట్స్ కూడా ఉంటాయి. వీటిని తిన్నప్పుడు కడుపు నిండుగా ఉండడమే కాకుండా, ప్రేగులకి పోషణ అందుతుంది. ముఖ్యంగా కొలెస్ట్రాల్ తగ్గుతుంది. నిజానికీ కొన్ని బెల్లీ ఫ్యాట్‌ని తగ్గించి మెటబాలిజాన్ని పెంచే ఫుడ్స్ కూడా ఉన్నాయి. వాటి గురించి చాలా మంది పెద్దగా పట్టించుకోరు. ఇవి కార్బోహైడ్రేట్స్ అయినప్పటికీ మన బాడీలో కొలెస్ట్రాల్ తగ్గుతుంది. పైగా రుచిగా కూడా ఉంటాయి. హెల్దీగా తినొచ్చు. అలాంటి కొన్ని ఫుడ్స్ గురించి తెలుసుకుందాం.

విసెరల్ ఫ్యాట్ అంటే

విసెరల్ ఫ్యాట్ అనేది మన అంతర్గత అవయవాలైన లివర్, పేగులు, ప్యాంక్రియాస్ చుట్టూ ఉండే కొలెస్ట్రాల్. ఇది జీవక్రియని పెంచుతుంది. విసెరల్ ఫ్యాట్ ఇన్సులిన్ నిరోధకత, టైప్ 2 డయాబెటిస్, వాపు, గుండెసమస్యలు, జీవక్రియతో ముడిపడి ఉంటుంది. విసెరల్ ఫ్యాట్ పెరిగితే బాడీలో వీటికి సంబంధించిన సమస్యలన్నీ వస్తాయి. చూడ్డానికి బెల్లీ ఫ్యాట్‌ని తగ్గించడమే కాకుండా ప్రాణాంతకంగా మారతాయి కూడా. అలాంటి విసెరల్ ఫ్యాట్‌ని ఫుడ్ తీసుకుంటూనే తగ్గించుకోవచ్చు.

బీన్స్

బీన్స్ కూడా ప్రోటీన్, ఫైబర్‌తో నిండి ఉండడమే కాకుండా గ్లైసెమిక్ ఇండెక్స్ తక్కువగా ఉండే ఫుడ్. వీటిని తినడం వల్ల కండరాలు మెరుగ్గా మారతాయి. ఆకలి తగ్గుతుంది. బాడీకి చాలా మంచిది. దీని వల్ల గట్ మైక్రోబయోమ్ మెరుగ్గా పనిచేస్తుంది. దీని వల్ల ఫ్యాట్ స్టోరేజ్ కాకుండా ఉంటుంది. ఇన్‌ఫ్లమేసణ్ తగ్గుతుంది. విసెరల్ ఫ్యాట్ తగ్గుతుంది.

పప్పులు

పప్పుల్ని సూపర్ ఫుడ్ అని చెప్పొచ్చు. కారణం ఇందులోని ప్రోటీన్ ఫైబర్ కారణంగానే. మనం పప్పులు, బీన్స్ తీసుకున్నప్పుడు మెల్లిగా జీర్ణమవుతాయి. దీంతో షుగర్ లెవల్స్ త్వరగా పెరగవు. మెటబాలిక్ పెరిగి విసెరల్ ఫ్యాట్ త్వరగా బర్న్ అవుతుంది.

క్వినోవా

క్వినోవా కూడా మరో అద్భుతమైన ఫుడ్. దీనిని తీసుకోవడం వల్ల కూడా చాలా వరకూ ఫైబర్, ప్రోటీన్ అందుతుంది. దీని వల్ల చాలా సేపటి వరకూ కడుపు నిండుగా ఉండడమే కాకుండా కండరాలు బలంగా మారతాయి. దీనిలోని మెగ్నీషియం ఇన్సులిన్ సెన్సిటివిటీని రెగ్యులేట్ చేస్తుంది. ఇన్సులిన్ సరిగ్గా పనిచేస్తే నడుము చుట్టూ బెల్లీ పేరుకుపోకుండా ఉంటుంది.

బార్లీ

బార్లీలో రెసిస్టెంట్ స్టార్చ్, బీటా గ్లూకాన్ ఫైబర్ ఉంటుంది. ఇది గుడ్ బ్యాక్టీరియాని, మెటబాలిజాన్ని పెంచుతుంది. దీనిని తీసుకోవడం వల్ల విసెరల్ ఫ్యాట్ తగ్గుతుంది. దీంతో తిన్న ఆహారం మెల్లిగా జీర్ణమవుతుంది. షుగర్ లెవల్స్ తగ్గుతాయి. ఫ్యాట్ తగ్గుతుంది.

ఓట్స్

ఓట్స్‌లో సోల్యూబుల్ ఫైబర్ ఉంటుంది. ఇది ఆకలిని తగ్గింజి జీర్ణ ఆరోగ్యాన్ని పెంచుతుంది. దీని వల్ల విసెరల్ ఫ్యాట్ తగ్గుతుంది. దీనిని మనం బ్రేక్‌ఫాస్ట్‌లో తీసుకోవడం మంచిది. స్టీల్ కట్ ఓట్స్ రకం అయితే ఇన్సులిన్‌ని మెరుగ్గా చేసి క్రేవింగ్స్‌ని తగ్గిస్తాయి. దీంతో బరువు బెల్లీ తగ్గడానికి చాలా హెల్ప్ అవుతుంది.

చిలగడదుంపలు

చిలగడదుంపల్లో ఫైబర్, విటమిన్స్, యాంటీ ఆక్సిడెంట్స్ పుష్కలంగా ఉంటాయి. జీర్ణక్రియని నెమ్మదింపజేయడంలో, రక్తంలో షుగర్‌ లెవల్స్‌ని తగ్గించడంలో ఇవి చక్కగా పనిచేస్తాయి. వీటిని తీసుకోవడం వల్ల కొవ్వు నిల్వలు తగ్గుతాయి. ఓ కప్పు కాల్చిన చిలగడదుపం దాదాపు 7 గ్రాముల ఫైబర్‌ని అందిస్తుంది. దీనిని తీసుకోవడం వల్ల కడుపు నిండుగా ఉంటుంది. ఎక్కువగా తినరు కూడా.

బ్రౌన్ రైస్

బ్రౌన్ రైస్ కూడా మరో గుడ్ కార్బ్. వీటిలో ఫైబర్ కూడా ఎక్కువగా ఉంటుంది. బ్రౌన్‌రైస్‌ని తక్కువగా ప్రాసెస్ చేస్తారు. కాబట్టి వీటిని చక్కగా తీసుకోవడం, ఇవి వైట్ రైస్ కంటే తక్కువగా ప్రాసెస్ చేసి వాటికంటే హెల్దీగా ఉంటాయి. వీటిని మనం పప్పులు, కూరగాయలతో తీసుకోవాలి. దీని వల్ల గ్లైసెమిక్ తగ్గుతుంది. ఇవి బాడీలో బ్లడ్ షుగర్‌ని మెంటెయిన్ చేసి ఫ్యాట్‌ని తగ్గిస్తాయి.