రూమ్‌ఫ్రెషనర్స్ వాడకుండానే ఇంట్లోని వాసనలు దూరమవ్వడానికి ఏం చేయాలి

మనంలో రోజులో ఎక్కువగా ఉండేది ఇంట్లోనే. అందుకే, ఇల్లు ఎంత నీట్‌గా ఉంటే మన మూడ్ అంత బాగుంటుంది. అలా కాకుండా ఇల్లే గందరగోళంగా చెడు వాసనలతో కంపుకొడితే ఇంట్లో ఉండలేం. దీంతో చాలా ఇబ్బందిగా ఉంటుంది. అయితే, దీనికి మనకొ కొంతవరకూ రూమ్‌ఫ్రెషనర్స్ పరిష్కారంగా అనిపించినప్పటికీ కెమికల్స్ కారణంగా వాటిని ఎక్కువగా పీల్చడం అంత మంచిది కాదు. అలా అని అదే ముతక వాసనల్ని భరించలేంగా. అలాంటప్పుడు కొన్ని ఇంటి చిట్కాలు మనకి చాలా బాగా హెల్ప్ చేస్తాయి. ఇంట్లో కొన్ని పనలు చేయడం వల్ల దుర్వాసనలు దూరమవుతాయి. పైగా మంచి తాజా పరిమళం ఉంటుంది. ఇల్లంతా కూడా మంచి ఫ్రెష్‌గా అనిపిస్తుంది. దానికోసం ఏం చేయాలో తెలుసుకోండి.

నిమ్మతొక్కల్ని నీటిలో వేసి మరిగించడం

నిమ్మతొక్కలు, ఆరెంజ్ తొక్కల్ని చాలా మంది అలా ఊరికే పారేస్తారు. కానీ, అలా కాకుండా ఈ సారి ఓ గిన్నెలో వేసి నీటితో ఉడికించండి. ఈ నీరు మనకి రూమ్‌ ఫ్రెషనర్‌గా మంచి స్మెల్‌ వస్తుంది. అయితే, మరిగించే గిన్నె జిడ్డు పట్టినది, మరకలు ఉన్నది అయితే, మరకలు వదులుతాయి. రూమ్‌లో చెత్త వాసన కూడా రాదు. దీనికోసం మీరు వాడి పారేసిన నిమ్మతొక్కలు, ఆరెంజ్ తొక్కలు వాడుకోవచ్చు. వీటితో ఇంట్లోని చెడు వాసనలన్నీ మాయమవుతాయి.

ఓ గదిలో పూల గిన్నె ఉంచడం

మనం ఇంట్లో ఓ రూమ్‌లో గిన్నెలో పూలని ఉంచండి. దీని వల్ల రూమ్ మొత్తం పూల వాసన వస్తుంది. ఏ రోజుకి ఆ రోజు ఆ పూలని మారుస్తుండండి. దీంతో ఇల్లంతా కూడా సువాసన భరితంగా ఉంటుంది. మీకు నచ్చే చామంతులు, గులాబీలు, బంతీపూలు, మల్లెపూలు ఇలా ఏవైనా వేయండి. దీని వల్ల ఇల్లంతా కూడా చాలా మంచి వాసన వస్తుంది. రెగ్యులర్‌గా నీరు, పూలని మాత్రం మారుస్తుండడం చేయండి.

ధూపం

సాంబ్రాణి, దూపం వేయండి. దీంతో ఇంట్లోని వాసనలు తగ్గడమే కాదు, మీకో ఆధ్యాత్మిక ఫీల్ వస్తుంది. ఇంట్లో సాంబ్రాణి వేయడం వల్ల క్షణాల్లో మూడ్ మారుతుంది. ఒత్తిడి తగ్గినట్లుగా ఉంటుంది. అయితే, కెమికల్స్ లేని దూపం వేయడానికి ట్రై చేయండి. దీంతో మీరు ఎలాంటి భయం లేకుండా దానిని ఎక్కువసేపు ఆస్వాదించగలుగుతారు.

ఎసెన్షియల్ ఆయిల్స్

ఇంట్లోని వాసనలు దూరం చేయడానికి ఎసెన్షియల్ ఆయిల్స్ ది బెస్ట్. వీటిని మీరు డిఫ్యూజర్‌లో పెట్టి వాడొచ్చు. లేదా దూదిని ఉండలా చేసి వాటిపై ఎసెన్షియల్ ఆయిల్స్ వేసి అక్కడక్కడ వాటిని ఉంచండి. దీంతో చాలా వరకూ వాసనలు దూరమవ్వడమే కాకుండా మీ మైండ్ కూడా ఫ్రెష్‌గా ఉంటుంది. కాబట్టి, ఈ సారి అలా ట్రై చేయండి. దీంతో పాటు మీకు సెంట్ క్యాండిల్స్ కూడా అందులోనూ ఆర్గానిక్‌వి దొరుకుతాయి. వాటిని వెలిగించకపోయినా అక్కడక్కడా ఉంచండి. దీంతో చాలా వరకూ వాసనలు తగ్గుతాయి.

కిటికీలు, తలుపులు తెరిచి ఉండడం

కిటికీలు, తలపులు ఎప్పుడు మూసి ఉన్నప్పుడు కూడా వాసనలు అలానే ఉంటాయి. అందుకే, చాలా వరకూ కిటికీలు, తలుపుల్ని రోజులో కాసేపు ఓపెన్ చేసి ఉంచండి. బయటి గాలి, వెలుతురు ఇంట్లోకి వచ్చేలా చూడండి. దీంతో ఇంట్లోని కొన్ని వాసనలు దూరమవ్వడమే కాకుండా, తేమ కూడా తగ్గుతుంది.

మరకలు, దుమ్ము ఉన్నచోట

పాత మ్యాట్స్, కార్పెట్స్ ద్వారా చాలా వరకూ వాసనలు వస్తాయి. కాబట్టి,వాటిని ఎప్పటికప్పుడు క్లీన్ చేయండి. అలానే వాటి నుంచి వాసనలు రాకుండా ఉండేందుకు బేకింగ్ సోడా వంటివి చల్లండి. ఇలా చల్లితే చాలా వరకూ వాసనలు తగ్గుతాయి. స్వచ్ఛమైన వాసన వస్తుంది. ఇంట్లోనూ కూడా కొన్ని చెట్లు పెంచండి. మల్లె చెట్లు, యూకలిపస్ట్, ఆర్కిడ్స్, మింట్ ఇలా మంచి వాసనలు వచ్చే చెట్లని పెంచండి.