మీ ఇంట్లో ఎలుకలు రాకుండా గోధుమపిండిలో ఇవి కలపండి

దీపావళి సెలబ్రేషన్ కోసం ఇల్లంతా క్లీన్ చేస్తున్నారా.. ఇప్పటికే చాలా మంది ఆ పనులతో బిజీగా ఉంటారు. క్లీనింగ్ చేస్తుంటారు. ఎంత క్లీన్ చేసినప్పటికీ కొద్దిసేపటికే ఇల్లంత గందరగోళంగా మారితే అది ఎలుకల పనే. ఇవి వంటరూమ్, హాల్ అనే తేడా లేకుండా ఇల్లంతా వాటిదే అన్నట్లుగా మూలమూలలు తిరిగి తినే పదార్థాల దగ్గర్నుంచీ కట్టుకునే బట్టల వరకూ పాడు చేస్తూ మనల్ని ఇబ్బంది పెడతాయి. ఇంట్లో విలువైన వస్తువుల్ని పాడుచేస్తూ అదోరకమైన దుర్వాసన కారణమవుతాయి. వీటిని చంపడానికి మనసు రాదు. పైగా చస్తే అదోరకమైన వాసన వస్తుంది. అలా కాకుండా వీటిని ఇంట్లో నుంచి బయటికి తరిమేందుకు ఓ టిప్ ఉంది.

ఎలుకలు ఎలా తరమాలి

ఇప్పుడు షేర్ చేసిన టిప్ ఎలాంటి కెమికల్ లేకుండా అందరి ఇళ్ళల్లో ఉండే పదార్థాలతోనే టిప్‌ని ఫాలో అయి ఎలుకల్ని దూరం చేయొచ్చు. దీంతో ఎలుకలకి ఎలాంటి హాని కలగకుండా బయటికి పారిపోతాయి. ఇవి చవకగా ఎలాంటి కెమికల్స్ లేకుండానే ఇంట్లో నుంచి ఎలుకల్ని బయటికి పంపేయొచ్చు. దానికోసం ఏం చేయాలో తెలుసుకోండి.

కావాల్సిన పదార్థాలు

​ఓ కప్పు గోధుమపిండి​

కొద్దిగా నెయ్యి

కొద్దిగా చక్కెర

కొద్దిగా డిటర్జెంట్ పౌడర్

నాఫ్తలీన్ ట్యాబ్లెట్స్

ఏం చేయాలి?

ముందుగా రెండు టేబుల్ స్పూన్ల గోధుమ పిండి తీసుకోండి.

అందులో నెయ్యి, కొద్దిగా చక్కెర కలపండి.

కొద్దిగా నీరు పోసి ముద్దలా కలపండి. మరీ గట్టిగా చేయొద్దు. కాస్తా మెత్తగానే ఉండాలి.

ఇప్పుడు దీనిని చిన్న చిన్న ఉండల్లా చేయండి.

ప్రతీ ఉండని మధ్యలో హోల్ చేసి కొద్దిగా డిటర్జెంట్, నాఫ్తలీన్ ట్యాబ్లెట్స్‌ని పొడిలా చేసి దానిని నింపండి.

తర్వాత మళ్లీ వాటిని ఉండలుగా ఉంచండి.

ఎక్కడ ఉంచాలి

ఇలా తయారైన బాల్స్‌ని ఎలుకలు ఎక్కువగా తిరిగే ప్రదేశాల్లో ఉంచండి. మూలమూలల్లో రిఫ్రిజిరేటర్ వెనుక, అల్మారా కింద, స్టోర్ రూమ్‌లో ఉంచండి. ఎలా ఎలుకలు మొత్తం పోయేవరకూ వారానికి ఓసారి చేసి పెట్టేయండి. దీంతో చాలా వరకూ ఎలుకలు వెళ్లిపోతాయి. మళ్లీ రావు. ఇలా చేస్తే నేచురల్‌గానే ఎలుకలు పారిపోతాయి.

ఎలా పనిచేస్తుంది?

నెయ్యి, చక్కెర వాసన ఎలుకల్ని అట్రాక్ట్ చేస్తుంది. కానీ, వాసన చసిన వెంటనే డిటర్జెంట్, నాఫ్తలీన్ ట్యాబ్లెట్స్ వాసన ఇబ్బంది పెడతాయి. దీంతో అవి బయటికి వెళ్లిపోతాయి. వీటిని వాడడం వల్ల వాటిని చంపకుండానే బయటికి పంపొచ్చు. దీంతో ఎలాంటి కెమికల్స్ వాడకుండానే అవి వెళ్లిపోతాయి. ఇంట్లోని వారికి కూడా ఎలాంటి ఇబ్బంది ఉండదు.