కాబోయే వియ్యంకుడితో పారిపోయిన వరుడి తల్లి

 ఈమధ్య కాలంలలో కాబోయే అత్తతో అల్లుడు పరార్, కాబోయే కోడలితో మామ ప్రేమ, కాబోయే అల్లుడి తండ్రితో వధువు తల్లి ప్రేమాయణం.. ఇలాంటి ఎన్నెన్నో కథలు విన్నాం. అచ్చంగా అలాంటి మరో కథే మధ్య ప్రదేశ్‌లోని ఉజ్జయినీ జిల్లాలో చోటుచేసుకుంది. ఒక జంట నిశ్చితార్థానికి కొన్ని రోజుల ముందే.. వధువు తండ్రి, కాబోయే వరుడి తల్లితో కలిసి పారిపోయాడు. తామిద్దరం ప్రేమించుకున్నామని.. కలిసే జీవిస్తామని చెప్పడంతో ఇరు కుటుంబాలు షాక్ అయ్యాయి.

ఉజ్జయినీ జిల్లా చిక్లి గ్రామానికి చెందిన 50 ఏళ్ల రైతు కొన్ని సంవత్సరాల క్రితం భార్యను కోల్పోయాడు. అయితే అప్పటికే అతడికి ఇద్దరు పిల్లలు కాగా.. వారే జీవితంగా బతికాడు. అయితే పిల్లల్లో కుమార్తె పెద్దది కాగా.. ఆమె పెళ్లీడుకు వచ్చింది. దీంతో ఉంటాసా గ్రామానికి చెందిన యువకుడితో వివాహం నిశ్చయించాడు. త్వరలోనే నిశ్చితార్థ వేడుక జరగాల్సి ఉండటంతో.. ఇరు కుటుంబాలు ఆ శుభకార్యానికి సంబంధించిన ఏర్పాట్లలో మునిగిపోయాయి. ఇదంతా బాగానే ఉండగా.. ఈక్రమంలోనే వధువు తండ్రి.. వరుడి తల్లితో(45 ఏళ్ల మహిళతో) పరిచయం ఏర్పడింది. ఇలా ఇద్దరూ ఒకరికొకరు ఫోన్లు చేసి మాట్లాడుకోవడం ప్రారంభించారు. ఇలా వీరిద్దరి మధ్య ప్రేమ చిగురించింది.

ఇలా ఇద్దరూ చాటుమాటుగా కలవడంతో వీరి బంధం మరింత బలపడింది. ఇలా ఒకరినొకరు విడిచి ఉండలేమని భావించిన వీరు.. పిల్లల నిశ్చితార్థానికి ముందే పారిపోవాలని అనుకున్నారు. అనుకున్నదే తడవుగా.. ఇద్దరూ పారిపోయారు. అయితే తల్లి కనిపించకపోవడంతో.. వెంటేనే కాబోయే పెళ్లి కుమారుడు పోలీసులకు ఫిర్యాదు చేశాడు. కేసు నమోదు చేసుకున్న పోలీసులు.. దర్యాప్తు చేయగా షాకింగ్ విషయాలు వెలుగులోకి వచ్చాయి. ముఖ్యంగా వారం రోజుల తర్వాత చిక్లి గ్రామంలోని ఆ రైతు వద్దే ఆ మహిళ (వరుడి తల్లి) ఉన్నట్లు పోలీసులు గుర్తించారు.

ఈ విషయం తెలుసుకున్న వరుడి కుటుంబ సభ్యులు.. ఆ మహిళను ఇంటికి తిరిగి రావాల్సిందిగా ఒప్పించేందుకు ప్రయత్నించారు. అయితే ఆ మహిళ మాత్రం ఇంటికి రావడానికి నిరాకరించింది. తాను ఆ రైతును ప్రేమిస్తున్నానని చెప్పింది. అతడితోనే కలిసి జీవించాలని నిర్ణయించుకున్నట్లు వివరించింది. దీంతో ఇరు కుటుంబాలు షాక్ అయ్యాయి. అసలు ఈ పెళ్లి చేసుకోవాలా వద్దో అర్థం కాక జుట్టు పీక్కుంటున్నారు.