పిల్లలకు తల్లిదండ్రులు కలలు కనే స్వేచ్ఛను ఇవ్వాలి
sports | Suryaa Desk | Published : Fri, Nov 07, 2025, 03:14 PM
భారత టెన్నిస్ ఐకాన్ సానియా మీర్జా, వన్డే ప్రపంచకప్లో ఛాంపియన్గా నిలిచిన భారత మహిళల క్రికెట్ జట్టుకు హృదయపూర్వక అభినందనలు తెలిపారు. హర్మన్ప్రీత్ కౌర్ బృందం దేశంలోని అమ్మాయిలందరికీ స్ఫూర్తిగా నిలిచిందని కొనియాడారు. ఈ సందర్భంగా ఆడపిల్లల పెంపకం, వారికి సమాన అవకాశాలు కల్పించడం వంటి కీలక అంశాలపై తన అభిప్రాయాలను పంచుకున్నారు. తల్లిదండ్రులు తమ పిల్లలకు కలలు కనే స్వేచ్ఛను ఇవ్వడం అత్యంత ముఖ్యమని సానియా మీర్జా అన్నారు. "వారు పెద్ద లక్ష్యాలను నిర్దేశించుకునేలా మార్గనిర్దేశం చేయండి. తమ అభిరుచిని ఎలాంటి పరిమితులు, భయం లేకుండా కనుక్కునేలా ప్రోత్సహించండి. ఈ క్రమంలో పొరపాట్లు చేసినా ఫర్వాలేదు. అమ్మాయిలు స్వతంత్రంగా ఉండాలని చెబుతూనే, అబ్బాయిలకు మహిళలను గౌరవించడం, సమానంగా చూడటం ఇంటి నుంచే నేర్పించాలి. అమ్మాయిలకు సానుభూతి కాదు.. స్వేచ్ఛ, సమానత్వం కావాలి" అని ఆమె స్పష్టం చేశారు.
|
|