కింగ్ నాగార్జున బ్యూటీ సీక్రెట్: ఈ ఒక్క 'డిన్నర్ రూల్' వల్లే యంగ్‌గా కనిపిస్తున్నారా?

కింగ్ నాగార్జున ఫిట్‌నెస్ చాలామందికి పెద్ద ఇన్‌స్పిరేషన్. టాలీవుడ్ మన్మథుడికి ఇప్పుడు 66 ఏళ్లు నిండినా, ఆయన 40 ఏళ్ల యువకుల కంటే ఎక్కువ ఫిట్‌గా, ఉల్లాసంగా, అందంగా కనిపిస్తారు.అంతమాత్రాన నాగార్జున ప్రత్యేకమైన డైట్ ప్లాన్స్‌ ఏమీ పాటించరు. సాధారణ ఆహారాన్నే తీసుకుంటారు.అయితే, ఆయన ఈ అద్భుతమైన శక్తి, చురుకుదనం (Vibrancy) వెనుక ఉన్న రహస్యాన్ని 'గట్ స్పెషలిస్ట్' డాక్టర్ పాల్ మాణికం ఇటీవల వెల్లడించారు.నాగార్జున ఇప్పటికీ యువ నటులను సైతం తలదన్నేలా, నేటి యువత కూడా అసూయపడేంత శక్తితో కనిపిస్తారు. ఇటీవల రజనీకాంత్ నటించిన 'కూలీ' సినిమాలో విలన్‌గా నటించి మెప్పు పొందారు. ఈ సినిమాలో కూడా ఆయన లుక్, మ్యానరిజమ్స్‌కు ప్రేక్షకులు ఫిదా అయ్యారు. అసలు 66 ఏళ్ల వయసులోనూ నాగార్జున ఇంత ఫిట్‌గా ఉండటానికి కారణం ఏమిటి?డాక్టర్ పాల్ మాణికం నాగార్జున ఫిట్‌నెస్ రహస్యాన్ని బట్టబయలు చేశారు. టాలీవుడ్ కింగ్ ఈ అసాధారణమైన ఫిట్‌నెస్ సాధించడానికి ముఖ్య కారణం... ఆయన తీసుకునే రాత్రి భోజన సమయం. ఇంతకీ నాగార్జున పాటించే ఆ 7 గంటల డిన్నర్ సీక్రెట్ ఏమిటి?నాగార్జున ప్రతిరోజూ రాత్రి భోజనాన్ని సాయంత్రం 7 గంటలలోపే పూర్తి చేస్తారు. ఇది నిన్న మొన్నటి నుండి మొదలుపెట్టిన పద్ధతి కాదు. అనేక సంవత్సరాలుగా ఆయన ఈ అలవాటును క్రమం తప్పకుండా పాటిస్తున్నారు. ఈ అలవాటు ఆయన శరీరానికి, జీర్ణవ్యవస్థకు సరైన లయను (Rhythm) అందిస్తుంది. త్వరగా భోజనం చేయడం వల్ల, ఆహారాన్ని జీర్ణం చేసుకోవడానికి శరీరానికి తగినంత సమయం లభిస్తుంది. ఇది జీవక్రియను (Metabolism) మెరుగుపరుస్తుంది. అలాగే, శరీరంలో శక్తి స్థాయిలను అద్భుతంగా పెంచుతుంది. అందుకే ఆయన ఎక్కువ కాలం యువకుడిలా, చురుకుగా ఉండగలుగుతున్నారు అని డాక్టర్ పాల్ తన వీడియోలో తెలిపారు.నాగార్జున అలవాటు చేసుకున్న ఈ ఆరోగ్యకరమైన పద్ధతి కేవలం ఫిట్‌నెస్‌కే పరిమితం కాదు. ఇది వయసు మీద పడినట్లు కనిపించకుండా ఆపుతూ, శరీర ఆరోగ్యాన్ని కాపాడుకోవడానికి సహాయపడుతుంది. నాగార్జున ఈ క్రమశిక్షణతో కూడిన జీవనశైలిని విజయవంతంగా పాటించడమే ఆయన ఆరోగ్యం వెనుక ఉన్న పెద్ద రహస్యం అని వైద్యులు అంటున్నారు. సూర్యుడు అస్తమించిన తర్వాత మన జీర్ణవ్యవస్థ నెమ్మదిస్తుంది కాబట్టి, ఈ అలవాటు అత్యంత సహకారి అని నిపుణులు అభిప్రాయపడ్డారు.16 గంటల విశ్రాంతి - గట్ ఆరోగ్యం.నాగార్జున ఫిట్‌నెస్‌కు ముఖ్య కారణం ఆయన క్రమశిక్షణతో కూడిన జీవనశైలి మరియు రాత్రి భోజన సమయాన్ని పక్కాగా పాటించడం. ఆలస్యంగా భోజనం చేసినప్పుడు, నిద్రించే సమయంలో కూడా జీర్ణక్రియ కోసం శరీరం శ్రమించవలసి వస్తుంది. ఇది రక్తంలోని చక్కెర, ఇన్సులిన్ స్థాయిలను పెంచుతుంది. జీవక్రియ సామర్థ్యాన్ని తగ్గించి, కొవ్వు నిల్వ పెరగడానికి కారణమవుతుంది. దీని వలన బరువు పెరగడం, జీర్ణ సమస్యలు, అలసట వంటి ఇబ్బందులు ఎదురవుతాయి.సాయంత్రం 7 గంటలలోపు భోజనం పూర్తి చేసి, మరుసటి రోజు ఉదయం 11 గంటల వరకు ఉపవాసం ఉండటం వలన శరీరానికి దాదాపు 16 గంటల పాటు సంపూర్ణ విశ్రాంతి లభిస్తుంది. ఈ సుదీర్ఘ విరామం పేగులకు (GUT) చక్కటి విశ్రాంతినిస్తుంది. దీని వలన జీర్ణక్రియ మెరుగుపడుతుంది. అలాగే, శరీరంలోని విషపూరితమైన అంశాలను బయటకు పంపడానికి సహాయపడుతుంది అని డాక్టర్ పాల్ వివరించారు. నాగార్జున జీవనశైలి ప్రతి ఒక్కరికీ ఒక గొప్ప ప్రేరణ. సాధారణ ఆహారంతో, కేవలం సమయపాలనతో ఆరోగ్యాన్ని కాపాడుకోవచ్చు మరియు వయసును నిరోధించవచ్చు అనడానికి నాగార్జుననే ఒక జీవన ఉదాహరణ.