బంతి తగిలి గాయపడిన కెమెరామెన్ను పరామర్శించిన హార్దిక్ పాండ్యా
sports | Suryaa Desk | Published : Sat, Dec 20, 2025, 02:53 PM
టీమిండియా స్టార్ ఆల్రౌండర్ హార్దిక్ పాండ్యా మైదానంలో తన విధ్వంసకర బ్యాటింగ్తో పాటు గొప్ప క్రీడా స్ఫూర్తిని కూడా ప్రదర్శించాడు. తాను కొట్టిన సిక్సర్ బంతి తగిలి గాయపడిన కెమెరామెన్ను పరామర్శించి, అతనికి సాయం చేసి అందరి మనసులు గెలుచుకున్నాడు. ఈ ఘటన అహ్మదాబాద్లోని నరేంద్ర మోదీ స్టేడియంలో నిన్న దక్షిణాఫ్రికాతో జరిగిన ఐదో టీ20లో చోటుచేసుకుంది.వివరాల్లోకి వెళితే.. ఈ మ్యాచ్లో హార్దిక్ పాండ్యా కేవలం 25 బంతుల్లో 63 పరుగులతో చెలరేగిపోయాడు. ఈ ఇన్నింగ్స్లో ఐదు భారీ సిక్సర్లు బాదాడు. ఈ క్రమంలో అతను కొట్టిన ఓ సిక్సర్, బౌండరీ లైన్ వద్ద విధులు నిర్వర్తిస్తున్న కెమెరామెన్ భుజానికి బలంగా తాకింది. దీంతో అతడి భుజంపై గాయమైంది. వెంటనే స్పందించిన టీమిండియా ఫిజియో, అతనికి ప్రథమ చికిత్స అందించారు.భారత ఇన్నింగ్స్ ముగిసిన వెంటనే హార్దిక్ పాండ్యా నేరుగా ఆ కెమెరామ్యాన్ వద్దకు పరుగున వెళ్లాడు. అతని గాయాన్ని పరిశీలించి, ఐస్ ప్యాక్ పెట్టడంలో సహాయం చేశాడు. అనుకోకుండా జరిగిన పొరపాటుకు క్షమాపణగా అతడిని ఆలింగనం చేసుకుని తన పెద్ద మనసును చాటుకున్నాడు. ప్రస్తుతం ఈ ఘటనకు సంబంధించిన ఫొటోలు, వీడియోలు సోషల్ మీడియాలో వైరల్ అవుతుండగా, హార్దిక్ క్రీడా స్ఫూర్తిని నెటిజన్లు ప్రశంసిస్తున్నారు.
|
|