స్ట్రేంజర్ థింగ్స్' ఫైనల్ సీజన్ ప్రమోషన్‌లో రోహిత్ శర్మ

భారత క్రికెట్ జట్టు కెప్టెన్ రోహిత్ శర్మ తన అభిమానులను ఆశ్చర్యపరిచాడు. ప్రపంచవ్యాప్తంగా ఎంతో ఆదరణ పొందిన నెట్‌ఫ్లిక్స్ వెబ్ సిరీస్ 'స్ట్రేంజర్ థింగ్స్' ఫైనల్ సీజన్ ప్రమోషన్‌లో ఈ హిట్ మ్యాన్ కనిపించి సందడి చేశాడు. ఈ సిరీస్‌లోని ప్రధాన విలన్ అయిన 'వెక్నా'కు ఫీల్డింగ్ సెట్ చేశానంటూ రోహిత్ చెప్పిన డైలాగ్ ఇప్పుడు సోషల్ మీడియాలో వైరల్ అవుతోంది.నెట్‌ఫ్లిక్స్ విడుదల చేసిన ఈ ప్రమోషనల్ వీడియోలో, రోహిత్ శర్మ ఒక లాకర్ రూమ్‌లో తన టీమ్‌కు సూచనలు ఇస్తూ కెప్టెన్‌గా కనిపించాడు.ఫైనల్ సీజన్ వస్తోంది. ప్రత్యర్థి మైండ్ గేమ్స్ ఆడినప్పుడు ఏ హెల్మెట్ కాపాడలేదు" అంటూ క్రికెట్ పరిభాషలో సిరీస్ తీవ్రతను వివరించాడు. ఈ సందర్భంగా 'వెక్నా' అనే విలన్‌ను ఎదుర్కోవడానికి సిద్ధంగా ఉండాలని తన బృందాన్ని హెచ్చరించాడు.ఈ ప్రచారంపై రోహిత్ శర్మ మాట్లాడుతూ,నేను చాలా ఏళ్లుగా 'స్ట్రేంజర్ థింగ్స్' సిరీస్‌కు పెద్ద అభిమానిని. ఆ సిరీస్ చూడకుండా ఉండలేను. ఇప్పటివరకు ఎంతో ఆసక్తిగా ఈ షో చూశాను. ఇప్పుడు దీని ఫైనల్ సీజన్ కోసం నెట్‌ఫ్లిక్స్‌తో కలిసి పనిచేయడం చాలా సంతోషంగా ఉంది. వెక్నా ఫీల్డింగ్ అయితే నేను సెట్ చేసేశా" అని సరదాగా వ్యాఖ్యానించాడు.1980ల నేపథ్యంలో సాగే 'స్ట్రేంజర్ థింగ్స్' సిరీస్, హాకిన్స్ అనే కాల్పనిక పట్టణంలో జరిగే అతీంద్రియ ఘటనల చుట్టూ తిరుగుతుంది. 'అప్‌సైడ్ డౌన్' అనే మరో ప్రపంచం, రహస్య ప్రభుత్వ ప్రయోగాలు వంటి అంశాలతో ఇది ప్రపంచవ్యాప్తంగా కోట్లాది మంది అభిమానులను సంపాదించుకుంది. కాగా, ఈ సిరీస్ చివరి సీజన్  డిసెంబర్ 26న నెట్‌ఫ్లిక్స్‌లో విడుదల కానుంది.