నేటి నుంచి బ్రహ్మోత్సవాలు
Bhakthi | Suryaa Desk | Published : Sun, Apr 10, 2022, 11:54 AM
తాడిపత్రి మండలంలోని ఆలూరులో వెలసిన శ్రీరంగనాథ స్వామి బ్రహ్మోత్సవాలు ఆది వారం నుండి ప్రారంభం కానున్నట్లు ఆలయ ఇఒ నరసయ్య, ఆలయ కమిటీ చైర్మన్ ఆలూరు రామచంద్రారెడ్డిలు తెలిపారు. ఈ ఉత్సవాలు శ్రీరామనవమి పండుగ రోజు ప్రారంభమై 18వ తేదీ వరకు జరగనున్నాయి. ఇందులో భాగంగా 10వతేదీన ఆలూరుకోనలో విశ్వక్షేనారాధన, వాసుదేవపుణ్యహవాచనము, అంకు రార్పణ, ధ్వజారోహణము, కలశస్థాపన, దీక్షాహోమం, స్వామివారికి అభిషేకాలు తదితరపూజా కార్యక్రమాలు నిర్వహించనున్నారు.
11న ఆలూరులో సింహ వాహనంపై భక్తులకు దర్శనమివ్వనున్నారు. 12న శేషవాహనము, 13న హనుమద్ వాహనము, 14న గరుడవాహనము, 15న గజవాహనము, 16న ఆలూరులో శ్రీదేవి, భూదేవి సమేతుడైన శ్రీరంగనాథస్వామి కల్యాణోత్సవం, రథోత్సవం, భక్తులకు అన్నదానం, 17న అశ్వవాహనము, పారవేట మహోత్సవము, 18న కోనలో తీరవాది, వసంతోత్సవము, చక్రస్నానము, పుష్పయాగ మహోత్సవము, ఆలూరులో హంసవాహనముతో స్వామి వారి బ్రహ్మోత్సవాలు ముగియనున్నాయి. ఈ ఉత్సవాలకు పెద్ద ఎత్తున భక్తులు తరలివచ్చి శ్రీదేవి, భూదేవి సమేత శ్రీరంగనాథస్వామిని దర్శించుకుని స్వామివారి కృపకు పాత్రులు కావాలని వారు పేర్కొన్నారు.
|
|