ట్రెండింగ్
మంచి చేస్తే మనిషికి మరణం ఉండదు
Andhra Pradesh Telugu | Suryaa Desk | Published : Wed, Aug 24, 2022, 04:30 PM
పేదల సంక్షేమం అంటే ముందుగా గుర్తొచ్చే పేరు దివంగ‌త మ‌హానేత డాక్ట‌ర్ వైయస్ రాజ‌శేఖ‌ర‌రెడ్డి అని ముఖ్యమంత్రి వైయస్ జగన్ మోహ‌న్ రెడ్డి తెలిపారు. రైతుల సంక్షేమం, ఉచిత విద్యుత్‌, ఫీజు రీయంబర్స్‌మెంట్‌, ఆరోగ్యం.. ఇలా ఎంతో మంచి చేశార‌న్నారు. ఆయన ఒక అడుగు వేస్తే.. వైయ‌స్ఆర్ బిడ్డగా తాను నాలుగు అడుగులు ముందుకు వేస్తానని సీఎం వైయస్ జగన్ మరోసారి వేదిక సాక్షిగా ప్రకటించారు.
ఇచ్చినమాట ప్రకారం.. 95 శాతం మేనిఫెస్టో హామీలను ఇప్పటికే నెరవేర్చామని, దేవుడి దయ.. ప్రజల ఆశీస్సులతో మరింత మంచి చేస్తామని మాటిచ్చారు. మంచి చేస్తే మనిషికి మరణం ఉండదని, ప్రతీ గుండెలోనూ సజీవంగా నిలిచే ఉంటారనడానికి నిదర్శనం ఇవాళ జరిగిన విగ్రహాల ఆవిష్కరణ కార్యక్రమమే అని ముఖ్యమంత్రి వైయస్ జగన్‌మోహన్‌ రెడ్డి పేర్కొన్నారు.
|
|