నకిలీ ఆధార్ కార్డులు సృష్టించి 14.96 ఎకరాల భూమిని అమ్మేసారు
Andhra Pradesh Telugu | Suryaa Desk | Published : Thu, Aug 25, 2022, 12:11 PM
జగన్ రెడ్డి అబద్దాలను ప్రచార చేయడానికి సాక్షితో పాటు, టివి-9, Ntv లు ఒక్కటై వైసీపీ ప్రభుత్వ అనుకూల బులుగు మీడియాగా అవతరించిన విషయం అందరికీ తెలిసిందే అని టీడీపీ పార్టీ ట్విట్టర్ ద్వారా తెలియజేసింది. ఇంకా .... అయితే ఈ కలయిక అసత్య ప్రచారానికే పరిమితం కాలేదు. ఇప్పుడది అవినీతి బాగోతాలకు ఎదిగింది. దానికి నిదర్శనమే ఈ భూ అక్రమం అని ట్వీట్ చేసింది.
అలానే అనంతపురంలో నకిలీ ఆధార్ కార్డులు సృష్టించి 14.96 ఎకరాల భూమిని మరొకరికి విక్రయించి రిజిస్ట్రేషన్ కూడా చేయించేసారు. ఈ కేసు విషయమై పోలీసులు విచారణ చేస్తే టీవీ-9 విలేఖరి లక్ష్మికాంత్ రెడ్డి, అతని డ్రైవర్, స్థానిక Ntv మరియు సాక్షి విలేఖర్లే సూత్రధారులు అన్నవిషయం తేలింది.
ఈ అక్రమ వ్యవహారం నడిపేందుకు రూ.14 కోట్లకు డీల్ కుదుర్చుకోగా, ఇప్పటికే రూ.75 లక్షలు చేతులు మారింది. సీసీ ఫుటేజ్, నగదు లావాదేవీలకు సంబంధించిన పూర్తి ఆధారాలు సేకరించిన పోలీసులు విలేకరులను అదుపులోకి తీసుకుని విచారిస్తున్నారు అని తెలియజేసింది.
|
|