ట్రెండింగ్
రెండు బైకులు ఢీకొని మహిళ మృతి ఇద్దరికి తీవ్రగాయాలు
Andhra Pradesh Telugu | Suryaa Desk | Published : Thu, Aug 25, 2022, 05:31 PM
రెండు ద్విచక్ర వాహనాలు ఢీకొన్న సంఘటనలో మహిళ అక్కడికక్కడే మృతి చెందగా మరో ఇద్దరికి తీవ్ర గాయాలయ్యాయి. దీనికి సంబంధించిన వివరాలు ఇలా ఉన్నాయి. గురువారం మధ్యాహ్నం బొండపల్లి గ్రామానికి సమీపంలో జాతీయ రహదారిపై ఈ ప్రమాదంలో బొండపల్లి గ్రామానికి చెందిన శకినాల రామలక్ష్మి అనే మహిళ అక్కడికక్కడే మృతి చెందగా, అదే గ్రామానికి చెందిన శకినాల చక్రి, దత్తిరాజేరు మండలం కోమటిపల్లి గ్రామానికి చెందిన చిట్టి సుధీర్ లు తీవ్రంగా గాయపడ్డారు.
సమాచారం తెలిసిన వెంటనే గజపతినగరం 108 సిబ్బంది క్షతగాత్రులను విజయనగరం లోని ప్రభుత్వ ఆసుపత్రికి తరలించారు. రామలక్ష్మి మృతదేహాన్ని శవపరీక్ష నిమిత్తం గజపతినగరం లోని సామాజిక ప్రభుత్వ ఆస్పత్రికి తరలించారు. బొండపల్లి పోలీసులు కేసు నమోదు చేసి దర్యాప్తు చేస్తున్నారు.
|
|