కొమ్మరాజు జాహ్నవికి అమెజాన్ ఇండియా బంపర్ ఆఫర్
Andhra Pradesh Telugu | Suryaa Desk | Published : Wed, Aug 31, 2022, 08:06 PM
కాలం మారున్న నేపథ్యంలో బడా కంపెనీలు టాలెంట్ ను ప్రోత్సహించేలా వేతనాలను అందిస్తున్నారు. తాజాగా విశాఖకు చెందిన విద్యార్థినికి అమెజాన్ బంపర్ ఆఫర్ ఇచ్చింది. గీతం డీమ్డ్ విశ్వవిద్యాలయం క్యాంప్స్కు చెందిన సీఎస్ఈ విద్యార్థిని కొమ్మరాజు జాహ్నవికి అమెజాన్ ఇండియా రూ.44.4 లక్షల వార్షిక వేతనంతో ఉద్యోగాన్ని ఆఫర్ చేసింది. ఈనెల 20 నుంచి నిర్వహించిన ఇంటర్వ్యూల్లో ఆమెకు ఉద్యోగం దక్కింది. మొత్తం 26 మందిని సంస్థ ఎంపిక చేసుకోగా.. జాహ్నవికి అత్యధిక వేతనం లభించిందని వర్శిటీ ప్రకటించింది. మరో 25 మందికి రూ.17.77 లక్షల వార్షిక వేతనాన్ని ఆఫర్ చేశారు.
గాజువాక శ్రీనగర్కు చెందిన జాహ్నవి తండ్రి వెంకటసుధాకర్ జనరల్ స్టోర్ నడుపుతుంటారు. తల్లి ఉష గృహిణి. భారీ జీతంతో అమెజాన్ ఆఫర్ లభించడంతో జాహ్నవి ఆనందంగా ఉందన్నారు. గీతంలో ఫస్టియర్ నుంచి నుంచి కమ్యూనికేషన్ స్కిల్స్, ఇంటర్వ్యూలను ఎదుర్కోవడంపై ఇచ్చిన శిక్షణ ఎంతో ఉపయోగపడిందని అంటున్నారు. జాహ్నవిని గీతం వర్శిటీ అభినందించింది.
|
|