ప్రపంచంతో పోటీపడాలంటే చదువొక్కటే మార్గం
Andhra Pradesh Telugu | Suryaa Desk | Published : Mon, Sep 05, 2022, 02:52 PM
కొన్ని సామాజిక వర్గాలు వేల సంవత్సరాల పాటు చదువులకు దూరంగా ఉన్నాయి అని సీఎం జగన్ అభిప్రాయపడ్డారు. టీచర్స్ డే సందర్భంగా ఆయన మాట్లాడుతూ... మరీ ముఖ్యంగా పేదవర్గాలైన ఎస్సీలు, ఎస్టీలు, బీసీలు, మైనార్టీలు స్వాతంత్య్రం తరువాత కూడా ప్రపంచంతో పోటీపడలేని చదువును, తమ మీద రుద్దబడిన చదువును, వేరే గత్యంతరం లేక చదువుకుంటున్న దుస్థితి.
మార్చేందుకు మనందరి ప్రభుత్వం గడిచిన మూడేళ్లుగా దృష్టి సారించి శ్రీకారం చుట్టింది. ఈ మార్పులు ఉపాధ్యాయులను ఇబ్బందిపెట్టే మార్పులు కాదు. ఉపాధ్యాయుల చేతిలో శిల్పాలుగా మారే పిల్లల భవిష్యత్తును మరింత మెరుగు పరిచేందుకు, వారి భవిష్యత్తును దృష్టిలో ఉంచుకొని తీసుకొస్తున్న మార్పులు. అట్టడుగున ఉన్న పేద సామాజిక వర్గాల చరిత్రను పూర్తిగా మార్చేందుకు చేసిన మార్పులు. మరింత అర్థవంతమైన, భవిష్యత్తు తరాల చదువుల కోసం అడుగులు ముందుకేస్తున్న మార్పులు అని తెలియజేసారు.
|
|