నేడు నెల్లూరులో సీఎం జగన్ పర్యటన
Andhra Pradesh Telugu | Suryaa Desk | Published : Tue, Sep 06, 2022, 12:08 PM
ఏపీ సీఎం వైఎస్ జగన్ మంగళవారం నెల్లూరు జిల్లాలో పర్యటించనున్నారు. ఈ సందర్భంగా పెన్నానది పై సంగం వద్ద నిర్మించిన మేకపాటి గౌతమ్‌రెడ్డి సంగం బ్యారేజ్‌ను ప్రారంభించనున్నారు సీఎం జగన్ మోహన్‌ రెడ్డి. అనంతరం బహిరంగ సభను ఉద్దేశించి మాట్లాడనున్న సీఎం జగన్… ఆ తర్వాత నెల్లూరు చేరుకుని నెల్లూరు బ్యారేజ్‌ కమ్‌ బ్రిడ్జిని ప్రారంభించనున్నారు.
ఇవాళ్టి రోజును జాతికి అంకితం చేయనున్నారు సీఎం వైయస్‌ జగన్. ఇక ఈ పర్యటన కోసం ఇవాళ ఉదయం 9.30 గంటలకు గన్నవరం ఎయిర్‌పోర్ట్‌ నుంచి బయలుదేరనున్నారు సీఎం జగన్. 10.40 గంటలకు సంగం చేరుకోనున్న ముఖ్యమంత్రి… 1.20 గంటలకు అక్కడి నుంచి బయలుదేరి 1.45 గంటలకు నెల్లూరు బ్యారేజ్‌ సైట్‌కు చేరుకుంటారు. 1.50 – 2.20 గంటల మధ్య నెల్లూరు బ్యారేజ్‌ కమ్‌ బ్రిడ్జిని ప్రారంభించనున్న సీఎం జగన్.. 2.20 గంటలకు అక్కడి నుంచి బయలుదేరి సాయంత్రం 4.15 గంటలకు తాడేపల్లి నివాసానికి చేరుకోనున్నారు.
|
|