ఏపీ బీజేపీ వ్యవహారాల ఇంఛార్జ్ సునీల్ ధియోదర్ టీడీపీ ఎంపీ కేశినేని నాని భేటీ
Andhra Pradesh Telugu | Suryaa Desk | Published : Wed, Sep 07, 2022, 10:40 PM
ఏపీ రాష్ట్ర రాజకీయాలలో అనూహ్య పరిణామాలు చోటు చేసుకోనున్నాయా..? టీడీపీలో చరుగ్గా పాల్గొనే కేశినేని నాని పయనంపై గత కొద్దిరోజులుగా వివిధ రకాలుగా ప్రచారం సాగుతున్న విషయం తెలిసిందే. తాజాగా టీడీపీ ఎంపీ కేశినేని నాని ఏపీ బీజేపీ వ్యవహారాల ఇంఛార్జ్ సునీల్ ధియోదర్ ఇంటికి వెళ్లారు. అదేంటి టీడీపీ ఎంపీ బీజేపీ నేత ఇంటికి వెళ్లడం అనుకుంటున్నారా.. అవును సునీల్ ఆహ్వానం మేరకే వెళ్లినట్లు స్వయంగా ఆయనే ట్వీట్ చేసి వెల్లడించారు. మిత్రులు, విజయవాడ నియోజకవర్గ లోక్‌‌సభ సభ్యులు కేశినేని నాని మంగళవారం సాయంత్రం ఢిల్లీలోని తన స్వగృహంకు వచ్చినట్లు తెలిపారు. గణపతి భక్తులతో కలిసి ఆ విఘ్నేశ్వరుని హారతిలో పాల్గొన్నారని ఆ ఫోటోను ట్వీట్ చేశారు సునీల్ ధియోదర్.
ఏపీ బీజేపీ బాధ్యతలు చూస్తున్న సునీల్ ధియోదర్ కేశినేని నాని మాత్రమే కాదు మరికొందరు ప్రజా ప్రతినిధులు, బీజేపీ నేతలు, ప్రముఖుల్ని తన ఇంటికి ఆహ్వానించారు. గణపతి పూజకు హాజరై.. హారతి కార్యక్రమంలో పాల్గొన్నారు. అందరి ఫోటోలోను సునీల్ ట్వీట్ చేశారు. ఈ క్రమంలోనే టీడీపీ ఎంపీ కేశినేని నాని కూడా ఆయన ఇంటికి వెళ్లారు. అంతేకాని ఎలాంటి రాజకీయ ప్రాధాన్యత లేదు.
|
|