పెనుకొండ ఏ ఐ ఎస్ ఏ డివిజన్, పట్టణ కమిటీల ఎన్నిక
Andhra Pradesh Telugu | Suryaa Desk | Published : Fri, Sep 09, 2022, 01:00 PM
శ్రీసత్యసాయి జిల్లా పెనుకొండ నియోజకవర్గం పెనుకొండ పట్టణంలోని శ్రీసత్యసాయి జూనియర్ కళాశాల నందు ఏ ఐ ఎస్ ఏ విద్యార్థి సంఘం సమావేశాన్ని నిర్వహించడం జరిగింది. ఈ సమావేశానికి ముఖ్య అతిథులుగా ఆల్ ఇండియా స్టూడెంట్స్ అసోసియేషన్ జిల్లా అధ్యక్షులు రొద్దం శివకుమార్ హాజరయ్యారు. ఈ సందర్భంగా నియోజకవర్గ కమిటీ, పట్టణ కమిటీని ఏకగ్రీవంగా ఎన్నుకోవడం జరిగింది. ఈ సందర్బంగా జిల్లా అధ్యక్షులు రొద్దం శివకుమార్ మాట్లాడుతూ పెనుకొండ నియోజకవర్గంలో ఏ ఐ ఎస్ ఏ విద్యార్థి సంఘమును బలోపేతం చేయాలన్నారు. విద్యారంగ సమస్యల పరిష్కారం కోసం రాజీలేని పోరాటాలు చేయాలని ఎన్నుకోబడిన నాయకులకు సూచించారు. ఈ సందర్బంగా డివిజన్ అధ్యక్ష, కార్యదర్శులు మనోజ్, మహేష్ లు మాట్లాడుతూ నియోజకవర్గ వ్యాప్తంగా ఎక్కడ విద్యార్థులకు సమస్య వచ్చిన అక్కడ ముందుండి పోరాడుతామని తెలిపారు. పట్టణ అధ్యక్ష, కార్యదర్శులు చరణ్, శశికుమార్ మాట్లాడుతూ పట్టణంలో నెలకొన్న విద్యారంగ సమస్యల పరిష్కారం కోసం ఉధృతంగా పోరాటం చేస్తామని తెలిపారు. ఈ కార్యక్రమంలో నాయకులు సురేంద్ర, నరేష్, అంజి, మురళి, తదితరులు పాల్గొన్నారు.
|
|