సంచలనం సృష్టించిన హత్య కేసును చేధించిన పోలీసులు
Andhra Pradesh Telugu | Suryaa Desk | Published : Fri, Sep 09, 2022, 02:56 PM
కడప నగరంలో సంచలనం సృష్టించిన హత్య కేసును చిన్న చౌకు పోలీసులు చేదించారు. ఓం శాంతి నగర్ రోడ్ నెంబర్ 22 లో ఈ నెల 3 న బాలుడు అయాన్ ఆశ్రిత్ కుమార్ హత్య కేసులో నిందితులైన మేనత్త ఇంద్రజ (25 ), మేనత్త భర్త మాచునూరు అంజన్ కుమార్(31) లను చిన్న చౌకు పోలీసులు అరెస్టు చేసినట్లు అదనపు ఎస్. పి(అడ్మిన్) తుషార్ డూడి తెలిపారు. శుక్రవారం కడప నగరంలోని జిల్లా పోలీస్ కార్యాలయంలో విలేకరుల సమావేశంలో వివరాలు వెల్లడించారు. జిల్లా ఎస్. పి అన్బురాజన్ ఆదేశాల మేరకు హత్య కేసును చేధించేందుకు చిన్న చౌకు సి. ఐ అశోక్ రెడ్డి ప్రత్యేక బృందాలను కడప డి. ఎస్. పి బి. వెంకటశివారెడ్డి ఏర్పాటు చేశారు.
తన ప్రేమ వివాహాన్ని గతంలో అంగీకరించని అన్న శివకుమార్ పై కక్ష పెంచుకున్న ఇంద్రజ, ఉపాధి నిమిత్తం కువైట్ కు వెళ్లిన శివకుమార్, భాగ్యలక్ష్మి దంపతులు, నానమ్మ వద్ద ఉన్న శివ కుమార్ కుమారుడు అయాన్ ఆశ్రిత్ కుమార్ ను మాయ మాటలతో చదివిస్తామని, బాగా చూసికుంటామని ఇంద్రజ చెప్పి కడప నగరానికి తీసుకువచ్చినది. బాలుడి తండ్రి శివకుమార్ పై కక్షతో బాలుడిని చంపాలనే ఉద్దేశ్యంతో చిత్రహింసలకు గురిచేసిన ఇంద్రజ, అంజన్ కుమార్ లు చలాకుతో కాల్చి, వాతలు పెట్టి కొట్టి చంపినట్లు నిందితులు అంగీకరించినట్లు అదనపు ఎస్. పి తెలిపారు.
|
|