వైసీపీకి బిగ్ షాక్‌.. టీడీపీలోకి భారీగా యువ‌కులు
Andhra Pradesh Telugu | Suryaa Desk | Published : Sat, Sep 10, 2022, 12:38 PM
మంగ‌ళ‌గిరి నియోజ‌క‌వ‌ర్గం తాడేపల్లి ప‌రిధి ఇస్లాంపేట, ప్ర‌కాశ్ న‌గ‌ర్ ప్రాంతాల‌కి చెందిన వైసీపీ నేత‌లు రఫీ, సువర్ణ రాజు, బాలచంద్రుడు ఆధ్వ‌ర్యంలో వందమంది యువ‌కులు శుక్ర‌వారం టిడిపి పార్టీలో చేరారు. తాడేపల్లి మండలం ఉండ‌వ‌ల్లి నివాసంలో టిడిపి జాతీయ ప్ర‌ధాన కార్య‌ద‌ర్శి నారా లోకేష్ యువ‌త‌కి ప‌సుపుకండువాలు వేసి పార్టీలోకి సాధరంగా ఆహ్వానించారు. వైసీపీ పాల‌న నుంచి రాష్ట్రాన్ని కాపాడేందుకు ముందుకు వ‌చ్చిన యువ‌త‌ని లోకేష్ అభినందిస్తున్నట్లు తెలిపారు.
ఈ కార్యక్రమంలో తాడేపల్లి టౌన్ పార్టీ అధ్యక్షులు వల్లభనేని వెంకటరావు, వైస్ ప్రెసిడెంట్ సాంబ‌శివుడు, సెక్ర‌ట‌రీ దార‌దాస్, ఎస్సీ సెల్ రాష్ట్ర అధికార ప్ర‌తినిధి జుంజు మ‌రియ‌దాసు, గుంటూరు పార్లమెంట్ టిడిపి ఎస్సీ సెల్ కార్య‌ద‌ర్శి రామకృష్ణ బెజ్జం, తాడేపల్లి 7వ వార్డు టిడిపి అధ్య‌క్షుడు కుందుర్తి కోటేశ్వర రావు, 11వ వార్డు ఇమ్రాన్‌, 9వ వార్డు చిన్నారావుతోపాటు పార్టీ కార్య‌క‌ర్త‌లు పాల్గొన్నారు.
|
|