సోలమన్ రాజులా ఫీల్ అయ్యాడు...15 మందికి భర్త అయ్యాడు

ప్రతి వ్యక్తి తన జీవితంలో ఎవరినో ఒకరిని ఆదర్శంగా తీసుకొంటారు. అలా ప్రభావం చూపే వ్యక్తి గొప్పవాడై ఉండోచ్చు...లేక సాధారణ వ్యక్తి ఉండొచ్చు. ఇదిలావుంటే ఆఫ్రికాలో ఓ వ్యక్తి సోలమన్ రాజును ఆదర్శంగా తీసుకొని 15 మందిని భార్యలుగా చేసుకొన్నాడు. సాధారణంగా ఒక్క భార్యతోనే వేగలేకపోతున్నామని మగవాళ్లు అంటుంటారు. ఇక పిల్లలు విషయానికొస్తే.. విసిగిపోతుంటారు. వాళ్లకు ఆలనా, పాలనా చూసుకోవాలంటే సతమతం అయిపోతుంటారు. అలాంటిది ఓ వ్యక్తి.. 15 మంది భార్యలతో, 107 మంది పిల్లలతో ఒకే ఇంట్లో హాయిగా ఉంటున్నాడు. ఇది నిజమేనా..? అని అనుకుంటున్నారా..? కచ్చితంగా నిజమే. పైగా ఆ వ్యక్తి తనకేం తక్కువ.. నేను రాజును అంటున్నాడు.

ఆఫ్రికాకు చెందిన డేవిడ్ సకాయో కలుహనా (61) తన జీవితంలో 15 మందిని పెళ్లి చేసుకున్నాడు. 107 మంది పిల్లలను కన్నాడు. పైగా వారందరితో ఒకే ఇంట్లో ఉంటున్నాడు. వారంతా హాయిగా.. సామరస్యంగా జీవిస్తున్నారు. తన భార్యలందరితో కలిసి పశ్చిమ కెన్యాలోని గ్రామీణ గ్రామంలో నివసిస్తున్నాడు. ఇంత మందిని ఎందుకు పెళ్లి చేసుకున్నావని అడగగా... చాలా విచిత్రమైన సమాధానం చెప్పాడు. 700 మంది భార్యలు, 300 మంది గర్ల్‌ఫ్రెండ్స్ ఉన్న సోలమన్ రాజు తనకు ఆదర్శం అన్నాడు.

పైగా తాను సోలమన్ రాజు కంటే తక్కువ కాదని భావించానని, అందుకే ఎక్కువ మంది మహిళలను పెళ్లి చేసుకున్నానని చెప్పాడు. అంతేకాదు తన తెలివితేటలకు.. తనను ఒక్క మహిళ మేనేజ్ చేయలేదని, అందుకే ఎక్కువమందిని పెళ్లి చేసుకున్నానని చెప్పుకొచ్చాడు. తనను అర్థం చేసుకోవడం ఒక మహిళతో అయ్యే పనికాదన్నాడు. తనకు 20 మంది భార్యలున్నా సమస్య కాదంటున్నాడు.

ఆశ్చర్యమేమిటంటే డేవిడ్ గురించి అతని భార్యలు కూడా గొప్పగా చెబుతున్నారు. భార్యలు గొడవలు పడకుండా, ఒకరి పట్ల మరొకరు అసూయ చెందకుండా డేవిడ్ బాగా హ్యాండిల్ చేస్తాడంట. "అతను కొత్త మహిళలను తీసుకురావడం పట్ల నేను ఎప్పుడూ అసూయపడలేదు. అతను బాధ్యతాయుతమైన వ్యక్తి. అతను చేసే పని ఎల్లప్పుడూ సరైనది. అతను ఏదైనా చేసే ముందు తగినంత సమయం తీసుకుంటాడు." అని డేవిడ్ భార్యల్లో ఒకరైన జెస్సికా చెప్పింది. వీరిద్దరూ 1998లో పెళ్లి చేసుకున్నారంట.

మరో భార్య రోజు కూడా అదే చెప్పుకొచ్చింది. ఒకరినొకరు ప్రేమిస్తూ మంచి జీవితాన్ని గడుపుతున్నామంది. రోజ్‌కి డేవిడ్‌కి 15 మంది పిల్లలు ఉన్నారు. ఒకరిపై మరొకరు అసూయపడడం గురించి మాట్లాడుతూ.. చాలా కాలం క్రితమే తమకు అలాంటి ఫీలింగ్స్ ఉండేవని, కానీ అలవాటు పడ్డామని రోజ్‌ చెప్పింది. ఇది తెలుసుకున్న వారంతా ఇంతమంది భార్యలు, వందల సంఖ్యలో పిల్లలతోనే బాగానే మేనేజ్ చేస్తున్నాడని అనుకుంటున్నారు. ఏదిఏమైనా డేవిడ్ ఇంత మందిని పెళ్లి చేసుకోవడమే కాకుండా... ఒకే ఇంట్లో అంతమందితో ఉండడం చాలా గ్రేట్ అంటున్నారు.