మరోసారి విష్ణు ను సన్మానించిన రెడ్యo సోదరులు
Andhra Pradesh Telugu | Suryaa Desk | Published : Tue, Sep 13, 2022, 02:15 PM
ఖాజీపేట మండలం కుమ్మరావులపల్లె కు చెందిన మాజీ సర్పంచ్ కోటపాటి శేషమ్మ వెంకట సుబ్బయ్య ల ద్వితీయ పుత్రుడు కోటపాటి విష్ణు నీట్ పరీక్షలో ర్యాంకు సాధించి, మెడిసిన్ కు ఎంపికయ్యారు. ఈ సందర్భంగా తెదేపా రాష్ట్ర కార్యనిర్వాహక కార్యదర్శి రెడ్యం వెంకటసుబ్బారెడ్డి, కేసీ కెనాల్ ప్రాజెక్ట్ కమిటీ వైస్ చైర్మన్ రెడ్యo చంద్రశేఖర్ రెడ్డి లను వారి స్వగృహంలో విష్ణు తండ్రి వెంకటసుబ్బయ్య, గ్రామస్తులు మర్యాదపూర్వకంగా కలిసి తమ గ్రామానికి రావాలని రెడ్యo సోదరులను ఆహ్వానించారు.
వారి ఆహ్వాన మేరకు గంగవరం ఆదినారాయణరెడ్డి, దాసరి రవి ప్రసాద్ యాదవ్ తో కలిసి రెడ్యo సోదరులు కుమ్మరావులపల్లె గ్రామాన్ని సందర్శించి, గ్రామస్థుల తో కలిసి మెడిసిన్ కు ఎంపికైన విష్ణు ను వారి తల్లిదండ్రులను రెడ్యం సోదరులు సన్మానించారు. గ్రామస్తుల వినతి మేరకు రెడ్యo సోదరులు గంగవరం ఆదినారాయణరెడ్డి, దాసరి రవి ప్రసాద్ యాదవ్ లు గ్రామంలోని పలు నివాసాలకు వెళ్లి వారి యోగక్షేమాలు, సమస్యలను అడిగి తెలుసుకున్నారు. గ్రామస్తులు, విష్ణు తల్లిదండ్రులు రెడ్యo సోదరులతో పాటు గంగవరం ఆదినారాయణరెడ్డి లను సన్మానించారు. రెడ్యo సోదరులు గ్రామస్తులతో, విష్ణు కుటుంబ సభ్యులతో తమ సంతోషాన్ని పంచుకున్నారు.
|
|