రాబోయే టీ20 ప్రపంచకప్‌కు వెస్టిండీస్ జట్టు ఇదే!
sports | Suryaa Desk | Published : Thu, Sep 15, 2022, 12:37 PM
రెండుసార్లు టీ20 ప్రపంచకప్‌ను గెలుచుకున్న వెస్టిండీస్ ఈ ఫార్మాట్‌లో బలమైన జట్టుగా నిలిచిన సంగతి తెలిసిందే. ఈ ఏడాది ఆస్ట్రేలియాలో జరగనున్న టీ20 ప్రపంచకప్‌కు వెస్టిండీస్ క్రికెట్ బోర్డు తమ జట్టును ప్రకటించింది. రెండు సార్లు టీ20 ప్రపంచకప్ గెలిచిన ఏకైక జట్టు వెస్టిండీస్. ఈ ఏడాది కూడా మెగా ఈవెంట్‌లో తమ సత్తా చాటేందుకు స్టార్ హిట్టర్లతో జట్టు తో బరిలోకి దిగబోతుంది. నికోలస్ పూరన్ వెస్టిండీస్ జట్టుకు నాయకత్వం వహిస్తుండగా, రోవ్‌మన్ పావెల్ వైస్ కెప్టెన్సీ బాధ్యతలు చేపట్టనున్నారు. కరీబియన్ ప్రీమియర్ లీగ్ (సీపీఎల్)లో రాణిస్తున్న సీనియర్ బ్యాట్స్‌మెన్ జాన్సన్ చార్లెస్ కూడా జట్టులోకి వచ్చాడు.
టీ20 ప్రపంచకప్‌కు వెస్టిండీస్ జట్టు: నికోలస్ పూరన్ (కెప్టెన్), రోవ్‌మన్ పావెల్ (వైస్ కెప్టెన్), యానిక్ కారియా, జాన్సన్ చార్లెస్, షెల్డన్ కాట్రెల్, షిమ్రాన్ హేట్మయర్, జాసన్ హోల్డర్, అకేల్ హోసేన్, అల్జారీ జోసెఫ్, బ్రాండన్ కింగ్, ఎవిన్ లూయిస్, కైల్ మేయర్స్, ఒబెడ్ మెక్‌కాయ్, రేమాన్ రీఫర్, ఓడియన్ రీఫర్.
|
|