ఆ కేసులో టీడీపీ నేతలకు ఊరాట...తుదిపరి చర్యలు ఆపేయాలంటే హైకోర్టు స్టే
Andhra Pradesh Telugu | Suryaa Desk | Published : Thu, Sep 15, 2022, 07:50 PM
వైసీపీ ఎంపీ గోరంట్ల మాధవ్ పెట్టిన కేసులో టీడీపీ నేతలకు కాస్త ఊరాటనిచ్చేలా ఏపీ రాష్ట్ర హైకోర్టు స్టే ఇచ్చింది. ఓ మ‌హిళ‌తో న‌గ్నంగా వీడియో కాల్ మాట్లాడిన‌ట్టుగా వైసీపీ ఎంపీ గోరంట్ల మాధ‌వ్‌కు చెందిన‌దిగా చెబుతున్న వీడియో వ్య‌వ‌హారంపై త‌దుప‌రి చర్యలను నిలిపివేస్తూ ఏపీ హైకోర్టు తీర్పు చెప్పింది. ఈ కేసులో ఇక‌పై త‌దుప‌రి చర్యలను నిలిపివేస్తూ హైకోర్టు స్టే ఆర్డ‌ర్ జారీ చేసింది. త‌న‌దిగా చెబుతూ ఓ మార్ఫింగ్ వీడియోతో త‌న ప్ర‌తిష్ఠ‌కు భంగం క‌లిగిస్తున్నారంటూ గోరంట్ల మాధవ్ ఇచ్చిన ఫిర్యాదు మేర‌కు ఏపీ సీఐడీ అధికారులు ఓ కేసు న‌మోదు చేసిన సంగతి తెలిసిందే. ఈ కేసులో ప‌లువురు టీడీపీ నేత‌ల పేర్ల‌ను సీఐడీ అధికారులు చేర్చారు.
ఈ కేసును కొట్టివేయాలంటూ టీడీపీ యువ నేత, పార్టీ రాష్ట్ర ప్ర‌ధాన కార్య‌ద‌ర్శి చింత‌కాయ‌ల విజ‌య్ హైకోర్టులో క్వాష్ పిటిష‌న్ దాఖ‌లు చేసిన సంగతి తెలిసిందే. ఈ పిటిష‌న్‌పై హైకోర్టులో గురువారం విచార‌ణ జ‌రిగింది. ఈ కేసులో త‌న‌ను నిందితుడిగా చేర్చిన వైనాన్ని విజ‌య్ హైకోర్టులో సవాల్ చేశారు. విజ‌య్ త‌ర‌ఫు న్యాయ‌వాది వాద‌న‌లు విన్న హైకోర్టు ఈ కేసులో త‌దుప‌రి చర్యలను నిలిపివేయాలంటూ సీఐడీ అధికారుల‌ను ఆదేశిస్తూ స్టే ఆర్డ‌ర్‌ను జారీ చేసింది.
|
|