శ్రీవారిని దర్శించుకున్న ముఖేష్ అంబానీ
Andhra Pradesh Telugu | Suryaa Desk | Published : Fri, Sep 16, 2022, 12:30 PM
రిలయన్స్ ఇండస్ట్రీస్ అధినేత ముఖేష్ అంబానీ , తిరుపతి ఎంపీ మద్దిల గురుమూర్తి కలిసి తిరుమల శ్రీవారిని దర్శించుకున్నారు. రంగనాయకుల మండపంలో అంబానీకి పండితులు వేదాశీర్వచనం, తీర్థ ప్రసాదాలు అందజేశారు. శుక్రవారం ఉదయం రేణిగుంటకు చేరుకున్న అంబానీకి ఎంపీ పుష్పగుచ్చం ఇచ్చి సాదర స్వాగతం పలికారు. ఈ సందర్భంగా ముఖేష్ అంబానీ మాట్లాడుతూ.. తిరుమల శ్రీవారిని దర్శించుకోవడం సంతోషంగా ఉందన్నారు. దేశ ప్రజలందరికీ శ్రీవారి ఆశీస్సులు కలగాలని కోరుకున్నానని తెలిపారు. ప్రతి ఏడాది తిరుమలలోని శ్రీవారి ఆలయం అభివృద్ధి చెందుతూ.. మెరుగవుతూ ఉందన్నారు. మాకు అందరి ఆశీస్సులు ఉండాలని వెంకటేశ్వరస్వామి వారిని ప్రార్థించానని అన్నారు పారిశ్రామిక వేత్త ముఖేష్ అంబానీ. అనంతరం తిరుగు ప్రయాణంలో రేణిగుంట విమానాశ్రయంలో ఆయన్ని ఘనంగా సత్కరించి శ్రీకాళహస్తిలో ప్రసిద్ధి చెందిన కలంకారి కళాకారులూ తయారు చేసిన చిత్ర పటాన్ని బహుకరించారు.
|
|