ట్రెండింగ్
ట్రాక్టరు బోల్తా.. నలుగురికి గాయాలు
Andhra Pradesh Telugu | Suryaa Desk | Published : Sat, Sep 17, 2022, 05:08 PM
వైఎస్ఆర్ కడప: ముద్దనూరు నుంచి సున్నపురాళ్ల పల్లెకు కంకర తీసుకువెళ్తున్న ట్రాక్టరు బోల్తా పడటంతో నలుగురు గాయపడిన ఘటన జమ్మలమడుగు రోడ్డులోని టోల్గేట్ సమీపంలో శుక్రవారం రాత్రిచోటు చేసుకుంది. స్థానికుల వివరాల మేరకు ముద్దనూరు గ్రామం యానాది కాలనీకి చెందిన నాగేంద్ర, మునెమ్మ, మోహన్సింహా (రెండేళ్ల చిన్నారి) జమ్మలమడుకు వెళ్తున్న కంకర ట్రాక్టర్ ఎక్కారు. మార్గమధ్యలోని టోల్ గేట్ సమీపంలోట్రాక్టర్ అదుపు తప్పి బోల్తాపడింది. ఈ ఘటనలో డ్రైవర్ వెంకటదివాకర్ తో సహా అందరూ గాయపడ్డారు. వీరిని 108 అంబులెన్స్ లో ప్రొద్దుటూరు వైద్యశాలకు తరలించినట్లు ఈఎంటీ శ్రీనివాసులు, పైలెట్ చిన్న సుబ్రమణ్యం తెలిపారు.
|
|