జన్మదిన శుభాకాంక్షలు తెలపడం ద్వారా చంద్రబాబు పొత్తు సంకేతాలిచ్చారా

ఏపీలో టీడీపీ, బీజేపీ మధ్య మరోమారు పొత్తు కుదరనున్నది అన్న ప్రచారానికి బలంచేకూరేలా టీడీపీ అధినేత నారా చంద్రబాబు నాయుడు ట్విట్ వైరల్ గా మారింది. నేడు భారత ప్రధాని నరేంద్ర మోదీ పుట్టిన రోజు. మోదీ 72వ పుట్టినరోజు సందర్భంగా సామాన్యుల దగ్గర నుంచి ప్రపంచ నేతల వరకు ఆయనకు సోషల్ మీడియా ద్వారా పుట్టినరోజు శుభాకాంక్షలు తెలియజేస్తున్నారు. అలాగే బీజేపీ శ్రేణులు ఘనంగా వేడుకలు నిర్వహిస్తోంది. అలాగే సామాజిక సేవా కార్యక్రమాలు నిర్వహిస్తున్నారు. ఈ వేడుకల్ని నెలరోజుల పాటూ నిర్వహించబోతున్నారు.

ప్రధానికి భారత రాష్ట్రతి ద్రౌపది ముర్ము శుభాకాంక్షలు తెలిపారు. సాటిలేని కఠోర శ్రమ, అంకితభావం, సృజనాత్మకతతో మీరు చేపడుతున్న దేశ నిర్మాణ సంగ్రామం 'మీ నాయకత్వంలో కొనసాగాలని కోరుకుంటున్నాను' అన్నారు. భగవంతుడు మంచి ఆరోగ్యం, దీర్ఘాయువును ప్రసాదించాలని కోరుకుంటున్నాను అంటూ ట్వీట్ చేశారు.ఇటు ఏపీ ముఖ్యమంత్రి వైఎస్ జగన్ ప్రధాని మోదీకి పుట్టినరోజు శుభాకాంక్షలు తెలిపారు. ప్రధాని నరేంద్ర మోదీకి జన్మదిన శుభాకాంక్షలు.. ఆ దేవుడు ఆయురారోగ్యాలు ఇవ్వాలని ఆకాంక్షించారు. అలాగే వైఎస్సార్‌సీపీ ఎంపీలు, మంత్రులు కూడా శుభాకాంక్షలు తెలిపారు.

మరోవైపు టీడీపీ అధినేత చంద్రబాబు కూడా ప్రధాని మోదీకి విషెస్ చెప్పారు. ప్రధాని నరేంద్ర మోదీకి హృదయపూర్వక పుట్టిన రోజు శుభాకాంక్షలు అంటూ ట్వీట్ చేశారు. ఆ దేవుడు ఆయురారోగ్యాలు ఇవ్వాలని.. దేశ ప్రజలకు మరిన్ని సంక్షేమ కార్యక్రమాలు అందిస్తూ దేశాన్ని అభివృద్ధి పథంలో నడిపించాలని ఆకాంక్షించారు. ప్రధాని మోదీని గతంలో కలిసిన ఫోటోను కూడా చంద్రబాబు ట్వీట్ చేశారు.