రాజధాని విషయంలో సుప్రీం తలుపుతట్టిన ఏపీ సర్కార్

ఏపీ రాజధాని అంశం రోజురోజుకు చర్చాంశనీయంగా మారింది. ఏపీకి రాజధాని అమరావతి ఉంటుందా లేక మూడు రాజధానులు వస్తాయా అన్నది ఇప్పటికీ సస్పెన్షన్ గానే ఉంది. ఇదిలావుంటే ఏపీ రాజధాని అంశం మరో మలుపు తిరిగింది. మూడు రాజధానులపై జగన్ సర్కార్ సుప్రీంకోర్టును ఆశ్రయించింది. అమరావతే రాజధాని అంటూ హైకోర్టు ఇచ్చిన తీర్పును సుప్రీంకోర్టులో సవాల్ చేసింది. రాజధానిపై చట్టాలు చేసే అధికారం అసెంబ్లీకి లేదన్న హైకోర్టు తీర్పు శాసనవ్యవస్థను నిర్వీర్యం చేయడమేనని ఏపీ సర్కార్ ప్రస్తావించింది. హైకోర్టు తీర్పుపై వెంటనే స్టే ఇవ్వాలని ప్రభుత్వం కోరింది. సీఆర్డీఏ చట్టం ప్రకారమే రాష్ట్ర ప్రభుత్వం వ్యవహరించాలంటూ హైకోర్టు సూచించడం అసెంబ్లీ అధికారాలను ప్రశ్నించడమేనని పేర్కొంది. అభివృద్ధి వికేంద్రీకరణ కోసమే మూడు రాజధానులని పిటిషన్‍లో ప్రభుత్వం ప్రస్తావించింది.

హైకోర్టు తీర్పును అమలు చేయడం సాధ్యం కాదని జగన్ సర్కార్ తేల్చి చెప్పింది. మూడు రాజధానుల చట్టాన్ని రద్దు చేసిన తర్వాత ఈ అంశంపై హైకోర్టుకు జోక్యం చేసుకునే అధికారం లేదంది. ఆరు నెలల్లో అమరావతిని అభివృద్ధి చేయాలన్న హైకోర్టు ఆదేశాలు అమలు చేయడం సాధ్యం కాదని ప్రస్తావించింది. మూడు రాజధానుల చట్టం రద్దుపై హైకోర్టు జోక్యం చేసుకునే హక్కు లేదన్నారు. అభివృద్ధి వికేంద్రకరణ కోసమే మూడు రాజధానుల నిర్ణయమని ప్రభుత్వం వివరణ ఇచ్చింది. మూడు రాజధానుల చట్టాన్ని రద్దు చేసిన తర్వాత ఈ అంశంపై హైకోర్టు విచారణ జరపడం రాజ్యాంగబద్ధం కాదని.. రాజధాని నిర్ణయించుకునే అధికారం రాష్ట్రానికే ఉందని కేంద్ర ప్రభుత్వం స్పష్టం చేసింది. రాజ్యాంగం ప్రకారం శాసన, పరిపాలన, న్యాయ వ్యవస్థలు తమ తమ పరిధిలో పనిచేయాలి అని ప్రస్తావించింది.

రాష్ట్ర ప్రభుత్వం చట్టాన్ని ఉపసంహరించుకున్న తర్వాత.. మళ్లీ ఆ చట్టంపైన ఆలోచన చేస్తామని చెప్పిన తర్వాత.. వచ్చే చట్టం ఎలా ఉంటుందో తెలియకుండానే... తీర్పు ఇవ్వడం సరైనదేనా అంటూ పిటిషన్‌లో ప్రస్తావించారు. ఆంధ్రప్రదేశ్‌ రాజధానిని నిర్ణయం ఒక కమిటీ రికమెండేషన్స్‌ అనుగుణంగా ఉంటుందని విభజన చట్టంలో ఉండగా.. ఆ కమిటీకి సంబంధం లేకుండా రాజధానిని నిర్ధారించారు అని పేర్కొన్నారు. అలా నిర్ధారించిన దానినే రాజధానిగా పెట్టుకోవాలంటున్నారని.. ఇలా చెప్పే అధికారం హైకోర్టుకు ఉందా అని ప్రశ్నించారు.

సర్వహక్కులతో రాష్ట్ర అసెంబ్లీ చట్టంచేసిందని.. కేంద్రం డెలిగేట్‌గా చేసిన చట్టమే, ఆ చట్టం కింద ఇచ్చిన ఇచ్చిన నోటిఫికేషన్‌ వాపస్‌ చేయడానికి వీల్లేదు.. ఫెడరల్‌ స్ట్రక్చర్‌లో కీలక అంశం ఇది. దీనికి విరుద్ధంగా ఎలా వ్యవహరిస్తారు అని ప్రస్తావించారు. ఒక చట్టం రాకుండాను, ఆ చట్టం రూపురేఖలు ఎలా ఉంటాయో తెలియకుండానే, ఆ చట్టం యొక్క స్వరూప స్వభాడాలు తెలియకుండా అది రాజ్యంగ విరుద్ధమని చెప్పడం కరెక్టేనా అని.. ఇది అధికారాల విభజనను పాటించినట్టేనా అన్నారు. చెక్స్‌ అండ్‌ బ్యాలెన్సెస్‌ ఉండాలి.. దాన్ని పూర్తిగా విస్మరించారన్నారు.