ట్రెండింగ్
నూతలపాడు కు టీటీడీ కల్యాణ మండపం మంజూరు
Andhra Pradesh Telugu | Suryaa Desk | Published : Wed, Sep 21, 2022, 12:59 PM
కారంచేడు మండలం నూతలపాడు గ్రామంలో కళ్యాణ మండప నిర్మాణానికి టీటీడీ రెండు కోట్ల రూపాయలు మంజూరు చేసింది. నూతలపాడు, పరిసర గ్రామ ప్రజలు తమ వంతుగా అంచనా వ్యయంలో 25 శాతం అనగా 50 లక్షల రూపాయలు సమకూర్చారు. కళ్యాణ మండప నిర్మాణానికి బహిరంగ మార్కెట్లో కోటి 50 లక్షలు విలువ గలిగిన ఎకరం పొలాన్ని టీటీడీకి గిఫ్ట్ రిజిస్ట్రేషన్ చేసి ఆ పత్రాలను కూడా అందజేశారు. దీంతో టీటీడీ చైర్మన్ వైవీ సుబ్బారెడ్డి రెండు కోట్ల రూపాయల నిధులను మంజూరు చేశారు.
ఈ సందర్భంగా ప్రభుత్వ సలహాదారు బత్తుల బ్రహ్మానందరెడ్డి, పర్చూరు వైసిపి ఇంచార్జ్ రావి రామనాథం బాబు, కురి బాపిరెడ్డి, పొలూరి, మనుబోతు వెంకటరెడ్డి, వల్లభరెడ్డి రామకృష్ణారెడ్డి, భవనం రాజగోపాలరెడ్డి వనుకూరి ప్రభాకరరెడ్డి, యర్రo లక్ష్మారెడ్డి, యర్రం వెంకటరెడ్డి తదితరులు మంగళవారం టీటీడీ చైర్మన్ ని సన్మానించి జ్ఞాపికను అందజేశారు.
|
|