ఆ వ్యక్తి అప్రమత్తత ఓ చిన్నారి ప్రాణాన్ని నిలిపింది

మనం మాటల్లో ముగిని తేలడమే కాదు పరిసరాలను అప్రమత్తంగా  గమనిస్తుంటే ఎవరికో ఒకరికి ప్రాణదాతగా నిలుస్తాం. ఇదిలావుంటే కొంతమంది కొన్నిసార్లు తృటిలో పెద్ద పెద్ద ప్రమాదాల నుంచి తప్పించుకుంటారు. కొంతమంది మాత్రం ప్రమాదాల బారిన పడి ప్రాణాలు కోల్పోతారు. ఒక్కోసారి మనల్ని కాపాడేందుకు దేవుడే వారిని ఆ స్థలంలో ఉంచాడా? అని అనిపించే విధంగా కొంతమంది ఉంటారు. వారు మనం ప్రమాదంలో ఉండగా.. మనల్ని కాపాడతారు. ఇటువంటి వీడియోలు ఒకప్పుడు మనకు పెద్దగా కనిపించేవి కావు కానీ సోషల్ మీడియా వాడకం పెరిగిన తర్వాత ఈ వీడియోలు ఎక్కువ వైరల్ అవుతూ మనకు కూడా కనిపిస్తున్నాయి. ప్రపంచంలోని ఏ మూల ఇటువంటి వైరల్ సంఘటన జరిగినా వెంటనే ఈ వీడియోలు వైరల్ అవుతున్నాయి. ప్రపంచం నలుమూలలా వ్యాపిస్తున్నాయి. అటువంటి ఒక వీడియో క్లిప్ ఇప్పుడు తెగ వైరల్ అవుతోంది. మనం కూడా ఆ వైరల్ వీడియో మీద ఓ లుక్కేస్తే...

మొన్నా మధ్య భవనం మీది నుంచి కింద పడబోతున్న చిన్న పాపను ఓ వ్యక్తి కాపాడి రియల్ హీరో అయ్యాడు. అటువంటి ఘటనే ఇక్కడ కూడా సంభవించింది. ట్విటర్‌లో వైరల్ అవుతున్న వీడియో ప్రకారం... కొంతమంది వ్యక్తులు రోడ్డు పక్కన ఉండి ఏదో మాట్లాడుకుంటున్నారు. అదే సమయంలో ఒక చిన్నారి సైకిల్ మీద అనియంత్రిత వేగంతో వస్తుండటం వారు గమనించారు. ఆ చిన్నారికి సైకిల్ కంట్రోల్ కాక అలా వస్తుందని గమనించిన వారిలో ఒక వ్యక్తి ఆ చిన్నారిని సైకిల్ మీది నుంచి లాగేశాడు. వెంటనే సైకిల్ వెళ్లి.. ఒక స్తంభానికి గుద్దుకుంది. ఆ వ్యక్తి ఆ చిన్నారిని సైకిల్ మీది నుంచి లాగేయకపోతే.. ఆ చిన్నారి కూడా పోల్‌కి బలంగా గుద్దుకునేదే. ఆ వ్యక్తి చాలా చాకచక్యంతో ఆలోచించి ఆ చిన్నారి ప్రాణాలను కాపాడాడు. ఈ వీడియోను చూసిన చాలా మంది అతని చాకచక్యాన్ని మెచ్చుకుంటున్నారు.