బాలికలు సైతం గంజాకి బానిసలూ అయ్యారు
Andhra Pradesh Telugu | Suryaa Desk | Published : Mon, Oct 03, 2022, 07:29 PM
గడిచిన రెండు రోజుల్లో స్కూల్ విద్యార్థినీలు గంజా వాడకంలో దొరికిన సంగతి రాష్ట్రమంతటా ఉలిక్కిపడి అంశంగా ఏర్పడింది. దీనిపై టీడీపీ అధినాయకులు నారా చంద్రబాబు నాయుడు స్పందిస్తూ... 13 ఏళ్ల వయసున్న బాలికలు విజయవాడలో గంజాయి తాగడం నివ్వెర పరిచింది. ఈ వార్త నన్ను ఎంతో ఆందోళనకు, ఆవేదనకు గురి చేసింది. స్కూలు పిల్లల వరకు గంజాయి వచ్చేసిందంటే... పరిస్థితి ఎంత ప్రమాదకరంగా ఉందో అర్థం అవుతుంది. తీవ్రమైన ఈ అంశంపై ప్రభుత్వ వ్యవస్థలు అత్యంత సీరియస్ గా దృష్టిపెట్టాలి. సమూలంగా గంజాయిని అరికట్టేలా సత్వర చర్యలు తీసుకోవాలి. రాజకీయ వేధింపులకు పోలీసులను వాడడంలో మునిగిపోయిన ప్రభుత్వం... యువత, విద్యార్థుల జీవితాలను గాలికి వదిలెయ్యడం క్షమించరాని నేరం. కొత్త సమస్యలు, సవాళ్ల నేపథ్యంలో తల్లిదండ్రులు కూడా నిత్యం అప్రమత్తంగా ఉండాల్సిన పరిస్థితి కనిపిస్తుంది అని ఆవేదన వ్యక్తపరిచారు.
|
|