అమ్మవారి కలశం చెంబు రూ. 30వేలు వేలంపాట
Andhra Pradesh Telugu | Suryaa Desk | Published : Fri, Oct 07, 2022, 01:07 PM
యర్రగుంట్ల పట్టణంలో స్థానిక పురపాలిక పరిధి కడప రోడ్డులోని శ్రీ ఉమామహేశ్వరస్వామి ఆలయంలో గురువారం సాయంత్రం అమ్మవారి అష్టలక్ష్మీ వెండి కలశం చెంబును వేలం వేయగా రూ. 30వేలకు ప్రముఖ వ్యాపారవేత్త కల్లూరు గంగాధర్రెడ్డి (కెఓఆర్) పాట దక్కించుకొని చెంబును కైవసం చేసుకున్నారు.
దసరా మహోత్సవ నేపథ్యంలో ఇక్కడి ఆలయంలో 9 రోజుల పాటు అమ్మవారికి ప్రత్యేక పూజలు నిర్వహించిన సంగతి తెలిసిందే. పూజలలో కలశం ప్రాముఖ్యత విశిష్టమైనది. ఆ కారణంగానే ఈ చెంబును వేలం వేయడం జరిగింది. వందలాది మంది భక్తుల సమక్షంలో జరిగిన వేలంపాటలో సుమారు 20 మంది పాల్గొనడా అధిక మొత్తంతో గంగాధర్రెడ్డి దీనిని దక్కించుకోవడం జరిగింది.
ఆలయ ధర్మకర్త, వార్డు కౌన్సిలర్ తుంగా వెంకటరామిరెడ్డి వేలంపాటలో కలశాన్ని దక్కించుకున్న గంగాధర్రెడ్డి కుమారుడు గంగా సాయిరామ్ రెడ్డికి అందజేశారు. ఈ కార్యక్రమంలో ఆలయ అర్చకులు అయ్యలూరు కిరణ్కుమార్ శర్మ, గంగాధర్రెడ్డి కుటుంబ సభ్యులు పాల్గొన్నారు.
|
|