ఎన్టీఆర్ కు వెన్నుపోటు విమర్శపై...నోరు విప్పిన చంద్రబాబు

ఎన్టీఆర్ కు వెన్నుపోటు పొడిచారు అంటూ చంద్రబాబుపై రాష్ట్రంలోని ఇతర  పార్టీలు విమర్శలు గుప్పించే విషయం తెలిసిందే. తాజాగా దీనిపై  చంద్రబాబు ఓపెన్ అయ్యారు. ఇదిలావుంటే సినీ నటుడు, హిందూపురం ఎమ్మెల్యే నందమూరి బాలకృష్ణ ‘అన్‌స్టాపబుల్ 2 షో ప్రోమో అందరిలో అంచనాలు పెంచేసింది. చంద్రబాబు తొలి గెస్ట్‌గా రావడం ఆసక్తికరంగా మారింది. అలాగే ప్రోమోలు సరదా ప్రశ్నలతో పాటూ రాజకీయాలకు సంబంధించి సీరియస్ విషయాలు కూడా ప్రస్తావనకు వచ్చాయి. ముఖ్యంగా 1995లో ఎన్టీఆర్‌ పదవి పోవడం నుంచి లోకేష్‌ పై వచ్చిన విమర్శల వరకు అన్ని అంశాలు తెరపైకి వచ్చాయి. దీంతో అంచనాలు మరింత పెరిగాయి.

అయితే టీడీపీ అధినేత చంద్రబాబు అన్‌స్టాపబుల్ 2 షోకు వెళ్లిన విషయాన్ని టీడీపీ నేతలతో ప్రస్తావించారు. బుధవారం జరిగిన పార్టీ నేతల సమీక్షలో ఆసక్తికర వ్యాఖ్యలు చేశారు. నందమూరి బాలకృష్ణ నిర్వహిస్తున్న అన్ స్టాపబుల్ షో పైనా సమావేశంలో చర్చలో.. బోల్డ్ గా ఉండే బాలకృష్ణ శైలి కారణంగా ఆ షో అంత హిట్ అయ్యిందని చంద్రబాబు వ్యాఖ్యానించారు. తాను ఆ షో ఇంటర్వ్యూకి హాజరయ్యానని చంద్రబాబు తెలిపారు. నాడు అధికార మార్పిడి విషయంలో వాస్తవంగా జరిగింది ఏంటి అనేది ఆ షోలో చర్చకు వచ్చిందని చంద్రబాబు అన్నారు. దశాబ్దాలుగా తనపై బురద వేస్తున్న అంశంలో తాను ఓపెన్‌గా పలు విషయాలు చెప్పానని చంద్రబాబు తెలిపారు.

అన్‌స్టాపబుల్ 2 షోలో రాజకీయాలకు సంబంధించిన అంశాలపై చంద్రబాబు ఆసక్తికరంగా స్పందించారు. ముఖ్యంగా 1995లో ఎన్టీఆర్‌ పదవి పోవడం గురించి ప్రస్తావిస్తూ బాలయ్య చంద్రబాబును ప్రశ్న అడిగారు. ‘మీ జీవితంలో మీరు తీసుకున్న హార్డ్ డెసిషన్ ఏది?’ అంటూ కుండబద్దలు కొట్టేశారు. ఆ రోజు తీసుకున్న నిర్ణయం తప్పా అటూ టీడీపీ అధినేత బాలయ్యను అడిగారు. కాళ్లు పట్టుకుని అడిగాను అంటూ చంద్రబాబు అన్నారు. ఈ ఎపిసోడ్‌పై చంద్రబాబు ఏం చెప్పారన్నది తెలియాలంటే ఈ నెల 14న టెలికాస్ట్ అయ్యే ఎపిసోడ్ వరకు ఆగాల్సిందే.

అంతేకాదు ఈ షోలో లోకేష్‌కు సంబంధించిన ఓ ప్రైవేట్ ఫోటోను కూడా తెరపైకి తెచ్చారు. విదేశాల్లో లోకేష్ స్విమ్మింగ్‌పూల్‌లో అమ్మాయిలతో ఉన్న ఫోటోను బాలయ్య ప్రస్తావిస్తూ.. ఈ ఫోటో అసెంబ్లీ వరకు వెళ్లిందన్నారు. దీనిపై స్పందన ఏంటి అంటూ చంద్రబాబును బాలయ్య అడగ్గా.. ‘మామకి లేని సందేహం నాకెందుకు’ అంటూ సరదాగా వ్యాఖ్యానించారు. మంగళగిరిలో లోకేష్ ఓటమి గురించి చర్చకు వచ్చింది. మొత్తానికి అన్‌స్టాపబుల్ 2 షో మొదటి ఎపిసోడ్ అందరిలో అంచనాలు పెంచేసింది. ఈ నెల 14న ఫస్ట్ ఎపిసోడ్ ఆహాలో స్ట్రీమ్ కానుంది.