మూడు రాజధానుల నిర్ణయంలో మార్పులేదు: బొత్స సత్యనారాయణ
Andhra Pradesh Telugu | Suryaa Desk | Published : Sun, Oct 16, 2022, 07:32 PM
మూడు రాజధానులపై ప్రభుత్వ నిర్ణయంలో ఎలాంటి మార్పువుండబోదని ఏపీ విద్యా శాఖ మంత్రి బొత్స సత్యనారాయణ వెల్లడించారు. విశాఖకు పరిపాలనా రాజధాని వచ్చి తీరుతుందని ఆయన మరోమారు స్పష్టం చేశారు. ఈ మేరకు ఆదివారం మీడియాతో మాట్లాడిన సందర్భంగా ఆయన ఈ విషయంపై విస్పష్ట ప్రకటన చేశారు. ఈ విషయంలో ఎలాంటి మార్పు ఉండబోదని కూడా ఆయన పేర్కొన్నారు. విశాఖకు పరిపాలనా రాజధాని రావాలన్న కాంక్ష ఉత్తరాంధ్ర ప్రజల్లో బలంగా ఉందని కూడా ఆయన చెప్పారు. ఈ విషయం శనివారం నాటి విశాఖ గర్జనలో స్పష్టమైందని బొత్స తెలిపారు.
ఈ సందర్భంగా జనసేన, టీడీపీలపై బొత్స విమర్శలు గుప్పించారు. విశాఖకు పరిపాలనా రాజధాని వస్తుంటే... టీడీపీ, జనసేన అడ్డుకుంటున్నాయని బొత్స ఆరోపించారు. 3 రాజధానుల అంశంపై ఆ రెండు పార్టీలకు ఉన్న అభ్యంతరం ఏమిటని బొత్స ప్రశ్నించారు. విశాఖకు పరిపాలనా రాజధాని రాకుండా ఆ రెండు పార్టీలు అడ్డుకుంటున్నాయని ఆరోపించారు. విశాఖకు వ్యతిరేకంగా ఆ రెండు పార్టీలు ఆడే ఆటలు ఇకపై చెల్లబోవని కూడా బొత్స అన్నారు. జనసేన అసలు ఓ రాజకీయ పార్టీనే కాదన్న బొత్స... ఓ వ్యక్తి పెట్టుకున్న సంస్థగా అభివర్ణించారు. జనసేనతో పాటు టీడీపీకి విశాఖపై అంత కక్ష ఎందుకని బొత్స ప్రశ్నించారు.
|
|