ట్రెండింగ్
ఏపీలో ఢిల్లీ లిక్కర్ స్కాం కలకలం...వైసీపీ ఎంపీ కుమారుడిని విచారించిన సీబీఐ
Andhra Pradesh Telugu | Suryaa Desk | Published : Mon, Oct 17, 2022, 09:50 PM
ఢిల్లీ లిక్కర్ స్కాం కలకలం రేపుతోంది. వైసీపీ ఎంపీ మాగుంట శ్రీనివాసులు కుమారుడిని సీబీఐ విచారణ చేస్తోంది. ఇదిలావుంటే ఢిల్లీ లిక్కర్ స్కామ్ దేశ వ్యాప్తంగా సంచలనం రేకెత్తిస్తోంది. ఈ కేసు విచారణలో సీబీఐ అధికారులు దూకుడు పెంచారు. హైదరాబాద్, విజయవాడ, గుంటూరుల్లో సోదాలు నిర్వహిస్తున్నారు. హైదరాబాదులో 10 బృందాలు తనిఖీలు చేస్తున్నాయి. మరోవైపు ఈ కేసు విచారణకు ఢిల్లీ డిప్యూటీ సీఎం మనీశ్ సిసోడియా హాజరయ్యారు. సిసోడియాతో పాటు అరుణ్ పిళ్లైని కూడా సీబీఐ అధికారులు విచారిస్తున్నారు. అలాగే ఈ కేసుకు సంబంధించి వైసీపీ ఎంపీ మాగుంట శ్రీనివాసులు రెడ్డి కుమారుడు రాఘవరెడ్డిని కూడా సీబీఐ ప్రశ్నిస్తోంది. మాగుంట కుమారుడిని ప్రశ్నిస్తుండటం ఏపీలో రాజకీయంగా చర్చనీయాంశంగా మారింది. హైదరాబాద్ కు చెందిన ఒక ఫార్మా కంపెనీ ఎండీని సైతం సీబీఐ విచారిస్తోంది.
|
|