ఆ రెండు జట్లు ఫైనల్‌కు వెళ్తాయి: సునీల్ గవాస్కర్
sports | Suryaa Desk | Published : Tue, Oct 18, 2022, 01:02 PM
టీ20 ప్రపంచకప్ 2022 ప్రారంభమైంది. ఆరంభంలో పలు జట్లు సంచలనం సృష్టించాయి. క్వాలిఫయర్స్‌లో నమీబియా శ్రీలంకను ఓడించింది. వెస్టిండీస్‌పై స్కాట్లాండ్ విజయం సాధించింది. ఈ నెల 22న న్యూజిలాండ్, ఆస్ట్రేలియా మధ్య జరిగే మ్యాచ్‌తో సూపర్ 12 దశ ప్రారంభమవుతుంది. అక్టోబరు 23న మెల్‌బోర్న్ క్రికెట్ గ్రౌండ్‌లో పాకిస్థాన్‌తో టీమిండియా తలపడనుంది. సోమవారం జరిగిన వార్మప్ గేమ్‌లో డిఫెండింగ్ ఛాంపియన్ ఆస్ట్రేలియాను ఓడించిన తర్వాత రోహిత్ అండ్ కో ఆత్మవిశ్వాసంతో ఉన్నారు. అయితే ఈ టీ20 ప్రపంచకప్‌లో ఫైనల్‌కు వెళ్లే జట్ల గురించి మాట్లాడుతున్నారు. ఫైనల్‌కు వెళ్లే జట్లపై భారత మాజీ కెప్టెన్ సునీల్ గవాస్కర్ జోస్యం చెప్పాడు. భారత్, ఆస్ట్రేలియా జట్లు ఫైనల్‌కు వెళ్తాయని చెప్పాడు. ఆస్ట్రేలియా మాజీ ఆల్ రౌండర్ టామ్ మూడీ కూడా ఈ రెండు జట్లను తన ఫైనలిస్టులుగా ఎంచుకున్నాడు. భారత్ కచ్చితంగా ఫైనల్ కు వెళ్తుందని.. ఆస్ట్రేలియా కూడా ఫైనల్ ఆడుతుందని గవాస్కర్ చెప్పాడు.
|
|