అమరావతి రైతుల పాదయాత్రను అడ్డుకోవడంపై హైకోర్టు లో పిటిషన్
Andhra Pradesh Telugu | Suryaa Desk | Published : Thu, Oct 20, 2022, 03:50 PM
న్యాయస్థానం అనుమతి ఇచ్చినప్పటికీ అధికార పార్టీ నేతలు అమరావతి రైతుల పాదయాత్రను అడ్డుకోవడంపై హైకోర్టు లో పిటిషన్ దాకలైంది. అమరావతి పరిరక్షణ సమితి తరఫున సీనియర్ న్యాయవాది ఉన్న మురళీధర్ పిటిషన్ దాఖలు చేశారు. పాదయాత్ర జరుగుతున్న సమయంలో అధికార పార్టీ నేతల నిరసనలు, సభలకు అనుమతి ఇవ్వడంపై అభ్యంతరం తెలిపారు. అలాగే రాజమండ్రిలో వైసీపీ ఎంపీ మార్గాన్ని భరత్ ఆధ్వర్యంలో అమరావతి రైతుల పాదయాత్రపై జరిగిన దాడి దృశ్యాలను న్యాయవాది మురళీధర్ పిటిషన్కు జతచేశారు. అమరావతి రైతులు తమకు జరిగిన అన్యాయాన్ని అందరికీ చెప్పే ప్రాథమిక హక్కును అడ్డుకోవడంపై అభ్యంతరం తెలిపారు. కొన్ని ప్రాంతాల్లో నల్ల బెలూన్లతో అధికార పార్టీ నేతలు నిరసన చేస్తున్నప్పటికీ పోలీసులు అడ్డుకోక పోవడంపై కూడా అభ్యంతరం వ్యక్తం చేశారు. పలు జిల్లాల్లో జరిగిన నిరసన ప్రదర్శనలు, నినాదాలు, దాడి దృశ్యాలను పిటిషన్లో పేర్కొన్నారు.
|
|