రాష్ట్రంలోని సమస్యలపై స్పందించిన రాహుల్
Andhra Pradesh Telugu | Suryaa Desk | Published : Fri, Oct 21, 2022, 01:35 PM
కర్నూలు జిల్లాలో నాలుగు రోజుల పాటు సాగిన రాహుల్ గాంధీ జోడో పాదయాత్ర నేటితో ముగిసింది. శుక్రవారం ఉదయం కర్ణాటక రాష్ట్రం రాయచూరు జిల్లా తుంగభద్రనది గ్రామంలోకి రాహుల్ పాదయాత్ర ప్రవేశించింది. ఈ సందర్భంగా కర్ణాటక సరిహద్దు మాధవరం బ్రిడ్జి వద్ద రాహుల్ గాంధీకి కర్ణాటక రాష్ట్రం కాంగ్రెస్ అధ్యక్షుడు డీకే శివకుమార్ ఘన స్వాగతం పలికారు.ఈ సందర్భంగా ఏపీ ప్రజలను ఉద్దేశించి రాహుల్ లేఖ రాశారు. జోడో పాదయాత్ర కు ప్రజలు చూపిన ఆదరణకు ధన్యవాదాలు తెలియజేశారు. ఏపీలో యాత్ర సందర్భంగా ప్రజలను ప్రభావితం చేస్తున్న పలు సమస్యలు గుర్తించామన్నారు. ఏపీ కి ప్రత్యేక హోదా సహా అమరావతి రాజధానికి కాంగ్రెస్ కట్టుబడి ఉందని స్పష్టం చేశారు. విశాఖ స్టీల్ ప్లాంట్కు ప్రభుత్వ రంగ హోదా కొనసాగింపును సమర్థిస్తున్నామన్నారు. ఏపీలో పంచాయతీరాజ్ వ్యవస్థను ప్రభుత్వం నిర్వీర్యం చేస్తోందని రాహుల్ గాంధీ లేఖలో తెలియజేసారు.
|
|