ట్రెండింగ్
ఊపిరి పీల్చుకున్న అన్నదాతలు
Andhra Pradesh Telugu | Suryaa Desk | Published : Fri, Oct 21, 2022, 02:03 PM
శిత్రాంగి తుఫాను ప్రభావం ఆంధ్రప్రదేశ్ రాష్ట్రం పై పెద్దగా ఉండబోదనే వార్త తో రాజాం నియోజకవర్గ అన్నదాతలు ఊపిరి పీల్చుకున్నారు. ఇప్పటికే గత కొద్ది రోజుల క్రిందట దాదాపు పది రోజులు కురిసిన వర్షాలకు ఇంకా తెరుకోలేదు. ఈ వర్షాలకు పంటలు నాశనం అయ్యాయి. రేగిడి ఆమదాలవలస మండలం అంబాడ వెంకటాపురం, తునివాడ, వెంకంపేట, చెలికాని వలస, రేగిడి ఆమదాలవలస తదితర గ్రామాల్లో ఎడతెరిపిలేని వర్షాల కారణంగా కాలువల ఉద్ధృతి కి వరి పంటలు, మొక్కజొన్న పంటలు నీట మునిగి పంటలు నాశనమయ్యాయని రైతులు ఆవేదన వ్యక్తం చేస్తున్నారు. చేతికి అందిన పంటలు ఇలా అకాల వర్షాలకు దెబ్బతిన్నాయని, అప్పులు చేసి పండించిన పంటలు నీట మునగడంతో లబోదిబో మంటున్నారు. మళ్లీ చిత్రాంగి తుఫాను హెచ్చరికల నేపథ్యంలో ఆందోళన వ్యక్తం చేసారు.
|
|