ట్రెండింగ్
మరో సారి చైనా అధ్యక్షుడు గా జీ జిన్ పింగ్
international | Suryaa Desk | Published : Sun, Oct 23, 2022, 01:38 PM
చైనా అధ్యక్షుడు జీ జిన్ పింగ్ తనకు చైనా పాలక కమ్యూనిస్ట్ పార్టీలో తిరుగు లేదని నిరూపించుకున్నారు. ముచ్చటగా మూడోసారి చైనా అధ్యక్ష స్థానంలో ఆసీనులు కానున్నారు. ప్రస్తుతం ఆయన వయసు 69 సంవత్సరాలు. నిబంధనల ప్రకారం 70 ఏళ్ల తర్వాత పాలించడానికి లేదు. కానీ, మావో జెడాంగ్ తర్వాత చైనాలో అత్యంత శక్తివంతుడిగా జిన్ పింగ్ నిరూపించుకోవాలనే పట్టుదలతో ఉన్నారు. దీంతో మరో ఐదేళ్ల పాటు తానే పాలించేందుకు వీలుగా 2018లోనే పార్టీ రాజ్యాంగంలో మార్పులకు శ్రీకారం చుట్టారు. చైనా కమ్యూనిస్ట్ పార్టీ కాంగ్రెస్ శనివారంతో ముగిసింది. పార్టీ జనరల్ సెక్రటరీగా జిన్ పింగ్ నియామకంపై నేడు ప్రకటన వెలుడనుంది. ఐదేళ్లకోసారి చైనా కమ్యూనిస్ట్ పార్టీ కాంగ్రెస్ జరుగుతుంటుంది.
|
|