ఫైట్ మాస్టర్ అవుదామని వెళ్ళి సినిమా డైరెక్టర్ అయిన సుబ్బు
Andhra Pradesh Telugu | Suryaa Desk | Published : Thu, Nov 03, 2022, 12:46 PM
వేటపాలెం మండలంలోని పందిళ్ళపల్లికి చెందిన పిచ్చుక సుబ్రహమణ్యం(సుబ్బు) దర్శకత్యం వహించిన జెట్టీ సినిమా శుక్రవారం విడుదల కానున్నది. ఈ సందర్బంగా డైరెక్టర్ సుబ్బు మీడియాతో మాట్లాడుతూ ఫైట్ మాస్టర్ అవుదావని సినీ ఫీల్డ్ కు వెళ్లి డైరెక్టర్ అయ్యానని చెప్పారు. స్వగ్రామం పందిళ్లపల్లిలోనే విద్యాభ్యాసం పూర్తి చేశాక టైక్వాండోలో ఎన్ఐఎస్ చేశానని, సినిమాల మీద మక్కువతో ఫైట్ మాష్టర్ అవ్వాలనుకుని హైదరాబాద్ కి వెళ్లానన్నారు.
ఈ ప్రయత్నంలో భాగంగా దాదాపుగా ఇరవై అయిదు సినిమాలకు సహాయ దర్శకునిగా పని చేశానని, ఫైట్ మాస్టర్ అవ్వాలని వచ్చిన నేను సినిమా మీద మరింత ప్రేమ పెరగటంతో దర్శకత్వం పై మోజు కలిగిందన్నారు.
ఈ ఆలోచనలో తాను ఉండగా తన స్వగ్రామం చుట్టుపక్కల ఉండే మత్స్యకార గ్రామాలు గుర్తొచ్చాయన్నారు. ఆ నేపధ్యాన్ని తీసుకుని కథను రూపొందించి జెట్టీ సినిమాకు దర్శకత్వం వహించానని చెప్పారు. ఈ తరహా కథాంశం ఇంతకుమున్నెపుడూ రాలేదని తెలిపారు. స్టార్ హీరో నందమూరి బాలకృష్ణ కూడా ఈ కథ విని ఫిదా అయ్యారని, తానే చేసివుండేవాడినని కూడా అన్నారన్నారు. కథను, తనను నమ్మి ప్రొడ్యూసర్ వేణుమాధవ్, పండ్రాజు శంకర్ ఈ సినిమాను నిర్మించారని, మంచి సినిమాలను ఆదరించే తెలుగు ప్రేక్షకులు జెట్టి సినిమాను విజయవంతం చేయాలని ఆయన కోరారు
|
|