ట్రెండింగ్
కర్నూలు జిల్లాలో పర్యటించనున్నా చంద్రబాబు
Andhra Pradesh Telugu | Suryaa Desk | Published : Tue, Nov 15, 2022, 08:58 PM
తెలుగుదేశం పార్టీ అధినేత నారా చంద్రబాబు నాయుడు రేపు కర్నూలు జిల్లాలో పర్యటించనున్నారు. రేపటి నుంచి మూడు రోజుల పాటు జిల్లాలో పర్యటించనున్నారు. ఈ మేరకు మంగళవారం చంద్రబాబు పర్యటనకు సంబంధించి టీడీపీ ఓ ప్రకటన విడుదల చేసింది.రేపు మధ్యాహ్నం జిల్లాలోని పత్తికొండకు చేరుకోనున్న చంద్రబాబు అక్కడ ఏర్పాటు చేసిన బహిరంగ సభలో మాట్లాడనున్నారు.గురువారం ఉదయం ఆదోనిలో రోడ్ షో నిర్వహించనున్న చంద్రబాబు... ఆపై జిల్లాలోని ఎమ్మిగనూరులో రోడ్ షో నిర్వహించనున్నారు. సాయంత్రం పట్టణంలో నిర్వహించే బహిరంగ సభలో మాట్లాడనున్నారు. గురువారం రాత్రి కర్నూలులో బస చేయనున్న చంద్రబాబు శుక్రవారం నగరంలో పార్టీ జిల్లా నేతలతో సమావేశం కానున్నారు.
|
|