ట్రెండింగ్
హోటల్ లో పేలిన సిలిండర్.. ఒకరి మృతి
national | Suryaa Desk | Published : Fri, Dec 09, 2022, 06:50 PM
యూపీ రాజధాని లక్నోలోని ఓ హోటల్ లో గురువారం రాత్రి భారీ అగ్నిప్రమాదం జరిగింది. ఛార్ బాగ్ స్టేషన్ రోడ్డు సమీపంలో ఉన్న రంగోలి హోటల్ లో సిలిండర్ పేలడంతో మంటలు ఎగిసిపడ్డాయి. సమాచారం అందుకున్న అగ్నిమాపక సిబ్బంది అక్కడికి చేరుకుని మంటలు అదుపు చేశారు. ఈ ప్రమాదంలో ఇద్దరికి తీవ్ర గాయాలు కాగా స్థానికులు, పోలీసులు వారిని ఆస్పత్రికి తరలించారు. అప్పటికే ఓ వ్యక్తి చనిపోయాడని వైద్యులు ధ్రువీకరించారు. మృతుడు నాసిక్ కు చెందిన ప్రకాశ్ సుధాకర్ గా గుర్తించారు. దీనిపై కేసు నమోదు చేసి దర్యాప్తు చేస్తున్నట్లు పోలీసులు తెలిపారు.
|
|