మాండస్ ఎఫెక్ట్....చంద్రబాబు పర్యటన రద్దు
Andhra Pradesh Telugu | Suryaa Desk | Published : Fri, Dec 09, 2022, 09:47 PM
మాండస్ తుఫాన్ దెబ్బకు తెలుగుదేశం పార్టీ అధినేత నారా చంద్రబాబు నాయుడు బాపట్ల జిల్లా పర్యటన రద్దయ్యింది. ఈనెల 10వ తేదీన చంద్రబాబు చీరాలకు వెళ్లాల్సి ఉంది. కానీ.. వర్ష ప్రభావం సూచనల నేపథ్యంలో చంద్రబాబు పర్యటనను రద్దు చేస్తున్నట్లు తెలుగుదేశం పార్టీ బాపట్ల పార్లమెంటు అధ్యక్షులు, ఎమ్మెల్యే ఏలూరి సాంబశివరావు, చీరాల నియోజకవర్గ తెలుగుదేశం పార్టీ ఇంచార్జ్ ఎంఎం కొండయ్య ప్రకటించారు.
ప్రభుత్వం అనుసరిస్తున్న ప్రజా వ్యతిరేక విధానాలను ఎండగట్టేందుకు.. తెలుగుదేశం పార్టీ ఆధ్వర్యంలో తలపెట్టిన ఇదేం కర్మ మన రాష్ట్రానికి కార్యక్రమంలో.. భాగంగా ఈనెల 10వ తేదీన చంద్రబాబు చీరాలలో పర్యటించేందుకు అన్ని ఏర్పాట్లు చేసుకున్నారు. అయితే.. శనివారం వాతావరణ మార్పులు, తీవ్ర వర్షం ప్రభావం సూచనల కారణంగా చీరాల పర్యటనను రద్దు చేసినట్లు నేతలు వివరించారు. మళ్లీ తదుపరి పర్యటన తేదీలను త్వరలో వెల్లడిస్తామని చెప్పారు. తమ అధినేత టూర్ క్యాన్సిల్ కావడంతో.. తెలుగు తమ్ముళ్లు నిరాశ చెందారు.
|
|