ట్రెండింగ్
నీరు కలిసిన పెట్రోలు పట్టడంతో, వాహనాల రిపేరు
Andhra Pradesh Telugu | Suryaa Desk | Published : Mon, Dec 12, 2022, 12:59 PM
వాహనాలకు నీరు కలిసిన పెట్రోలు పట్టడంతో వాహనాదారులు అవాక్కయ్యారు. ఈ సంఘటన నెల్లూరు జిల్లా, పొదలకూరు పట్టణ సమీపంలోని అయ్యగారిపాలెం రోడ్డులోని ఇండియన్‌ ఆయిల్‌ పెట్రోలు బంకులో జరిగింది. ఆ బంకులో పెట్రోలు పోయించుకున్న వాహనదారులు కొద్ది దూరం వెళ్లగానే వారి వాహనాలు మొరాయించాయి. బైకుల్లో పెట్రోలు ఉన్నా ఆగిపోయాయి. ఎంతకీ స్టార్ట్‌ కాలేదు. దీంతో వాహనాలను తోసుకుంటూ సమీపంలోని మెకానిక్‌ షాపుల వద్దకు తీసుకెళ్లగా వాహనంలో పెట్రోలుతోపాటు నీరు కలిసిందని చెప్పారు. దాంతో బాధితులు పెట్రోలు బంకు వద్దకు వెళ్లి పెట్రోలు బంకు సిబ్బందిని, యజమానిని నిలదీశారు. దీంతో బంకు యాజమాన్యం తాము పెట్రోలు పట్టిన అన్ని వాహనాలను రిపేరు చేయిస్తామని చెప్పడంతో గొడవ సద్దుమణిగింది.
|
|