ట్రెండింగ్
గెలవలేమని భయంతో చంద్రబాబు వణికిపోతూ ఉన్నాడు
Andhra Pradesh Telugu | Suryaa Desk | Published : Fri, Dec 16, 2022, 11:28 AM
ముఖ్యమంత్రి వైయస్‌ జగన్‌మోహన్‌రెడ్డి సంక్షేమ పాలన దెబ్బకు తండ్రీకొడుకులు చంద్రబాబు, లోకేష్‌ నియోజకవర్గాలు వెతుక్కునే పనిలో పడ్డారని పౌర సరఫరాల శాఖ మంత్రి కారుమూరి నాగేశ్వరరావు అన్నారు. చంద్రబాబు పేరు చెబితేనే ప్రజలు భయపడే పరిస్థితి వచ్చిందన్నారు. మంత్రి కారుమూరి నాగేశ్వరరావు మీడియాతో మాట్లాడుతూ.. వైయస్‌ జగన్‌ అధికారంలోకి వచ్చాక కులాలు, మతాలు, పార్టీలకు అతీతంగా, అర్హత ఉన్నవారందరికీ సంక్షేమ పథకాలు అందిస్తున్నారని చెప్పారు. ఈసారి కుప్పంలో కూడా గెలవలేమని భయంతో చంద్రబాబు వణికిపోతూ వేరే నియోజకవర్గం వెతుక్కుంటున్నారన్నారు. లోకేష్‌ను మంగళగిరిలో చిత్తుగా ఓడించిన తరువాత ఎక్కడ నుంచి పోటీ చేయించాలో చంద్రబాబుకు అర్థం కావడం లేదన్నారు. అందుకే కొడుకు కోసం కూడా వేరే నియోజకవర్గం వెతికే పనిలో పడ్డాడన్నారు.
|
|