ట్రెండింగ్
రాష్ట్రంలోని యూనివర్సిటీలను అధికార పార్టీ కార్యాలయాలుగా మార్చవద్దు : పవన్ కల్యాణ్
Andhra Pradesh Telugu | Suryaa Desk | Published : Thu, Dec 22, 2022, 10:10 PM
రాష్ట్రంలోని యూనివర్సిటీలను అధికార పార్టీ కార్యాలయాలుగా మార్చవద్దని జనసేన పార్టీ అధినేత పవన్ కల్యాణ్ హితవు పలికారు. విద్యార్థులకు సామాజిక, రాజకీయ, ప్రాపంచిక విషయాలపై విశ్వవిద్యాలయాలు అవగాహన కల్పించాలని, అయితే ఏపీలోని పేరున్న యూనివర్సిటీలు ఆ బాధ్యతను విస్మరించి అధికార పార్టీ కార్యకర్తలను తయారు చేసే పనిలో ఉన్నాయా అనే సందేహం కలుగుతోందని పవన్ తెలిపారు. యూనివర్సిటీలను అధికార పార్టీ కార్యాలయాలుగా మార్చి ఆ పార్టీ ముఖ్యమంత్రి ఫ్లెక్సీలతో ప్రాంగణం నింపిన తీరు విద్యార్థి లోకానికి, సమాజానికి ఏమి సూచిస్తుందని ప్రశ్నించారు. ఫ్లెక్సీలు పర్యావరణానికి విపరీతమైన హాని కలిగిస్తున్నాయని సందేశం ఇచ్చిన వైసిపి ముఖ్యమంత్రికి శుభాకాంక్షలు చెప్పడానికి ఫ్లెక్సీలు కట్టడం విచిత్రంగా ఉందని పవన్ పేర్కొన్నారు.
|
|