అందరికీ దూరంగా వెళ్లి ...డిసెంబర్ 31 వేడుకలు
national | Suryaa Desk | Published : Wed, Dec 28, 2022, 08:26 PM
భారత స్టార్ క్రికెటర్ విరాట్ కోహ్లీ, బాలీవుడ్ నటి అనుష్క శర్మ దంపతులు ఏది చేసినా అది ప్రత్యేకంగా ఉంటుంది. కొత్త ఏడాదికి స్వాగతం పలికేందుకు వారు ఒక అజ్ఞాత ప్రదేశానికి బయలుదేరారు. ఈ జంట బుధవారం తెల్లవారుజామున ముంబై విమానాశ్రయంలో కనిపించారు. ప్రత్యేక విమానంలో ఈ జంట ప్రయాణం చేసింది. అయితే, వీరు ఎక్కడికి వెళ్లాలని నిర్ణయించుకున్నారో తెలియరాలేదు. ఎయిర్ పోర్టు ముంగిట మాత్రం ఈ ఇద్దరూ ఫొటోలకు పోజులు ఇస్తూ ఉత్సాహంగా కనిపించారు.
బంగ్లాదేశ్ తో టెస్టు సిరీస్ ముగించుకున్న తర్వాత భారత జట్టుతో కలిసి కోహ్లీ మంగళవారమే స్వదేశానికి చేరుకున్నాడు. జనవరి 3 నుంచి స్వదేశంలో శ్రీలంకతో జరగబోయే టీ20 సిరీస్ కు కోహ్లీ విశ్రాంతి తీసుకున్నాడు. ఈ సమయాన్ని కుటుంబంతో వెచ్చించేందుకు అతను విదేశీ పర్యటనకు వెళ్లినట్టు తెలుస్తోంది. మరోవైపు అనుష్క శర్మ ప్రధాన పాత్రలో నటించిన ‘చక్దా ఎక్స్ ప్రెస్’ ఇటీవలే పూర్తయింది. ఈ స్పోర్ట్స్ డ్రామా చిత్రంలో అనుష్క.. భారత మహిళా క్రికెటర్ జులన్ గోస్వామి పాత్రలో కనిపించనుంది
|
|