ట్రెండింగ్
పూటకో పార్టీ మారుతూ ప్రభుత్వం పై విమర్శలు చేయడం సరికాదు
Andhra Pradesh Telugu | Suryaa Desk | Published : Fri, Dec 30, 2022, 11:03 AM
వెంకటగిరి ఎమ్మెల్యే ఆనం రామనారాయణరెడ్డికి వయసు పెరగడంతో బుద్ధి మందగించిందని రాష్ట్ర సంగీత అకాడమీ చైర్‌పర్సన్‌ పొట్టేళ్ల శిరీషా విమర్శించారు. గురువారం ఆమె సైదాపురంలో విలేకరులతో మాట్లాడుతూ.... ఎమ్మెల్యే ఆనం మనసులో ఏదో పెట్టుకుని మాట్లాడుతున్నారని తెలిపారు. రాపూరు, వెంకటగిరిలో ఎస్‌ఎస్‌ కెనాల్‌ను రాష్ట్ర ఆర్థికశాఖ మంత్రిగా ఉన్నప్పుడు ఎందుకు పట్టించుకోలేదో సమాధానం చెప్పాలన్నారు. పూటకో పార్టీ మారుతూ వైసీపీ ప్రభుత్వం పై విమర్శలు చేయడం సరికాదన్నారు. తల్లిపాలు తాగి రొమ్ము గుద్దే స్థితికి ఆయన వచ్చారన్నారు. కార్యక్రమంలో నాయకులు ప్రసాద్‌ తదితరులు పాల్గొన్నారు.
|
|